[A:344]par rang gzhan thams cad kyis go sla bar byas nas dad ldan bstan pa'i eds: (lo ) rgyus 'dod pa rnams mos gus dang / spro ba skye ba'i phyir du legs par bkod pa 'di bden par shes pa mdzod cig gzhan yang dus phyis kyi gang zag 'di dag la don gnyer byed pa rnams kyis yin min gyi cha mtshon the tshom du gyur na/ sngar gyi yi ge rnying pa rnams la zhib mor gzigs la 'jug tu rung ngo / /mi shes pa rnams kyis eds: (ma )'chos shig 'di ni gangs can bstan pa'i dar tshul te/ /bstan pa rgyas mdzad chos rgyal mes dbon gyis/ /ston pa'i bstan pa phyogs bcur spel ba 'dis/ /bstan pa dar rgyas yun du gnas par shog /tshogs gnyis lhun po'i khyon ltar mngon mtho zhing / khrims gnyis chos bzhin skyong ba'i dgongs pa can/ /bstan pa'i sbyin bdag sa skyong rje rnams kyi/ /chab srid phan bde'i dpal la spyod par mdzod/ /chos rgyal rnams kyi rnam thar mdor bsdus 'di/ /lha btsun rin chen dpal gyis bskul ba'i ngor/ /rdo rje 'dzin pa bsod nams rgyal mtshan gyis/ /'gal 'khrul spangs te legs par bsgrigs pa yin// 'di yi dge bas sprin med nam mkha' la/ /thub bstan rgyas pa'i rta bdun 'od stong gis/ /gsung rab phan bde'i pad tshal kha phyes nas/ /dad ldan bung ba'i dga' ston rgyas par mdzod/ /bod yul mtha' 'khob kha ba can gyi ljongs 'dir ston pa yang dag par rdzogs pa'i sangs rgyas des zhabs kyis ma bcags kyang gsung gi 'od zer gyis khyab par mdzad nas/ 'phags pa spyan ras gzigs dbang phyug des/ gang la gang 'dul gyis sems can thams cad thar pa byang