[A:7a]འཇུག་ཆེ་ཕྲ་ཐམས་ཅད་ལ།།
ཕ་བླ་མ་ཁྱོད་ལས་སྐྱབས་གཞན་མེད།།
རྗེ་ཁྱེད་ཀྱི་རྣམ་ཐར་རྒྱ་མཚོ་དང༌།།
དབྱིངས་གཅིག་ཏུ་འདྲེས་པར་བྱིན་གྱིས་བརློབས།།
མགོན་ཁྱེད་ཀྱི་བསྟན་པ་རིན་ཆེན་སྒྲོན།།
དཔལ་རྡོ་རྗེ་གདན་པོར་རབ་འབར་ནས།།
ཕྱོགས་མཐའ་མེད་གསལ་བའི་མདངས་འོད་ཀྱིས།།
བདུད་ནག་ཕྱོགས་མུན་པ་མཐར་ཕྱུང་སྟེ།།
རྗེ་ཁྱེད་ཀྱི་བཞེད་དགོངས་འགྲུབ་པ་དང༌།།
ཁོང་བསྟན་པའི་སྦྱིན་བདག་ཆོས་ཀྱི་རྒྱལ།།
དཔལ་ལྷ་དབང་ཀུན་དགའ་ཁུ་དབོན་གྱི།།
ཐུགས་བཞེད་དོན་འཕྲལ་ཡུན་ཕུན་སུམ་ཚོགས།།
དོན་མ་ཚང་མེད་པར་བྱིན་གྱིས་བརློབས།།
Gong dkar Chos sde Community
རྗེ་ཁྱེད་ཀྱི་བསྟན་འཛིན་དགེ་འདུན་ཚོགས།།
བརྒྱན་བསླབ་པ་གསུམ་གྱི་རབ་མཛེས་ཤིང༌།།
ནོར་ལུང་རྟོགས་ཆོས་ཀྱི་ཐུགས་རྒྱུད་བལྟམས།།
འཕྲལ་ཐོས་བསམ་བསྒོམ་པས་དུས་འདའ་ཞིང༌།།
ཆོས་འཆད་རྩོད་རྩོམ་པ་ལ་སོགས་པ།།
ཁོང་མཁས་པའི་བྱ་བ་མཐར་ཕྱིན་ཏེ།།
ཐུགས་གཅིག་ཏུ་མཐུན་པར་བྱིན་གྱིས་བརློབས།།
ཕ་ཁྱེད་ཀྱི་ཚད་མེད་ཐུགས་རྗེ་ཡི།།
གཞི་འཁོར་འདས་ཆོས་ལ་མ་ཁྱབ་མེད།།
དོན་བདེན་པ་དེ་ཡི་བྱིན་སྟོབས་ཀྱིས།།
མ་ནམ་མཁའ་མཉམ་པའི་སེམས་ཅན་རྣམས།།
དཔལ་རྡོ་རྗེ་འཆང་གི་གོ་འཕང་མཆོག།
དུས་མྱུར་དུ་འགྲུབ་པར་བྱིན་གྱིས་བརློབས།།