[A:38a]/ /la mi 'jig pa'i spobs pa yang dag pa'i rigs pa seng ge'i nga ros phas kyi rgol ba ma lus pa 'joms pa'i stobs dang ldan pa/ smra ba'i seng ge thams cad mkhyen pa gnyis pas dpal ldan gsang phur sbyar ba'o//
Printing Colophon, f. 38a1-6
; //swa sti dza ya/
ngo mtshar shes bya'i ri mo mtha' dag mkhyen pa'i cha shas gcig la bris/
/srid pa gsum gyi lus can mtha' dag brtse ba'i zhags pa gcig gis bzung/
/'gro la phan bde'i char rgyun mtha' dag mdzad pa'i chu 'dzin gcig gis bsgrubs/
/de 'dra gang yin zas gtsang sras zhes kun gyis mchod pa'i yul de rgyal/
;
/gsung zer phreng paba lnga skyugs pas/
/mdo sde'i pad mo kun bzhad cing/
/kun gyi mgrin pa mdzes byed pa/
/mi pham mgon la phyag bgyid do/
/dga' ldan gnas su rab bgrod pa'i/
/ngo mtshar gtam gyi dga' ston gyis/
/skye dgu'i yid rab 'phrog byed pa/
/thogs med zhabs la gus pas 'dud/
;
/gang gi zhabs sen pad dkar phreng paba mkhas pa kun gyi thod du bcings/
/rmad byung mkhyen pa'i go stobs gcig gis mkhas gsum ra ba kun las 'gongs/
/gsung gi bdud rtsi'i zegs ma tsam gyis rnam dpyod lus stobs bskyed mkhas pa/
/kun mkhyen rong ston chos rje'i zhabs las gzhan du sngon chad su zhig byung/
;
/de lta na yang gangs can 'dir/
/'jig rten kun gyi sgron ma la/
/rmongs pa'i mun las ma grol ba'i/
/me khyer tshogs kyis 'gran pa 'tshar/
;
/gsung zer cha tsam lhung bas kyang/
/thub bstan pad mo rgyas byed cing/
/blo yi mun pa drungs 'byin pa'i/
/legs bshad 'od brgya'i phreng paba 'di/
/ljon pa'i rta bdun gyis drangs te/
/skal ldan kun gyi nam mkha' la/
/'bad pa med par 'char ba 'di/
/lung rigs man ngag kun sbyangs pa'i/
/bod yul dbus kyi yar lungs pa/
/nam mkha' dpal ldan gang de yis/
/mnyam med chos kyi rgyal po 'di/
/rtag tu sku tshe brtan phyir bsgrubs/
/spar kyi phyogs la 'gran gyi do med pa'i/
/dad pa'i bsam pa 'gyur ba med pa yis/
/mi yi mchog gyur legs pa bzang po dang/
/brtson 'grus bzang po gnyis kyis par brkos/
/'dir 'bad dge ba mthu chen des/
/thub bstan kun nas rgyas gyur cig//
/pha mas gtso byas 'gro ba kun/
/theg mchog gtam gyis tshim par shog/
/maM ga laM// //shu bhaM//