[A:བ ༡༣བ]ཐམས་ཅད་ལ་ལྐོག་ཏུ་མ་གྱུར་པའི་གཟིགས་པ་ལྷག་པར་མངའ་བའི་རྗེ་བཙུན་ཐམས་ཅད་མཁྱེན་པ་ཆེན་པོ། ལྷན་ཅིག་སྐྱེས་པའི་ཡེ་ཤེས་མངོན་སུམ་དུ་གཟིགས་པའི་གྲུབ་པའི་དབང་ཕྱུག དཔལ་ལྡན་ལོ་ཙཱ་བ་ཆེན་པོ་བསོད་ནམས་རྒྱ་མཚོའི་སྡེས་བཀས་བསྐུལ་བ་ལས།
ཆོས་བཞིན་པའི་རྒྱུ་དང་རྐྱེན་གྱི་དངོས་པོ་ཕུན་སུམ་ཚོགས་པ་སྦྱར་ཞིང༌། ཐོག་མར་པར་ཡིག་རྣམས་རྗེ་བཙུན་ལོ་ཙཱ་བ་ཆེན་པོའི་དགོངས་པ་ཇི་ལྟ་བར་ཡུལ་དབུས་ཀྱི་སའི་ཆ་དོལ་ལྷུན་གྲུབ་ལྷ་རྩེར་རིས་མེད་པའི་བསྟན་པ་ལ་ཆེད་ཆེར་རིམ་གྲོར་མཛད་པ་དཔལ་རྡོ་རྗེ་བདེ་མས་བདག་རྐྱེན་མཛད་དེ་རྗེ་བཙུན་དེ་ཉིད་ཀྱི་གསུང་གི་རྗེས་སུ་འཇུག་པའི་བཤེས་གཉེན་དམ་པ་དཔལ་ཆོས་ཀྱི་རྒྱལ་མཚན་དང༌། མ་ཧཱ་སྠ་བི་ར་དགེ་ལེགས་དཔལ་མགོན་ཏེ་སྒྲིན་ཞིང་རིགས་པར་སྤྱོད་པའི་བློའི་ནོར་ཅན་རྣམ་པ་གཉིས་ཀྱིས་ཞུས་ཤིང་དག་པར་བྱེད་པ་དང༌། རྒྱུ་དང་འབྲས་བུའི་ཐེག་པ་མཐའ་དག་ལ་རིགས་པ་དང་གྲོལ་བར་སྨྲ་བའི་སྤོབས་པ་དགེ་བ་ཅན་ཤར་དགས་པོ་བ་དཔལ་ཕྱོགས་ཐམས་ཅད་ལས་རྣམ་པར་རྒྱལ་བའི་ལྷ་ཞེས་བྱ་བས་རྐྱེན་དུ་འཕྲོད་པའི་ཆེད་དུ་བྱ་བ་ཆེད་ཐང་དུ་སྦྱར་ལ། ཡི་གེའི་རིག་བྱེད་པ་ནི་དོལ་རིག་པའི་འབྱུང་གནས་པ་ཉི་ཤར་བཀྲ་ཤིས་ཞེས་བྱ་བ་དང་བརྐོས་ཀྱི་རིག་བྱེད་པ་ནི་གྲགས་པ་རྒྱལ་མཚན་ཞེས་བྱ་བ་སློབ་མར་བཅས་པའི་ལག་པའི་འདུ་བྱེད་དགེ་བའི་ལས་སུ་སད་པ་ལས།
ལྕགས་མོ་གླང་གི་ལོ་ནས་བརྩམས་ཏེ། ཕུན་སུམ་ཚོགས་པའི་དཔལ་འབྱོར་གྱི་ཆུ་བོ་མ་ཚང་[B:1271]བ་མེད་པ་འདུ་བའི་གཞི། དམྱལ་ཞེས་བྱ་བའི་སའི་ཐིག་ལེར་ཆོས་རྒྱལ་ལྷུན་པོ་ཞེས་བྱ་བའི་ཕོ་བྲང་ཆེན་པོར་ལེགས་པར་བསྒྲུབས་ཏེ། དེའི་དགེ་བས་རྒྱལ་བའི་བསྟན་པ་རིན་པོ་ཆེ་ཡུན་རིང་དུ་གནས་པ་དང༌། བསྟན་པ་འཛིན་པའི་སྐྱེས་བུ་དམ་པ་རྣམས་ཀྱང་སྐུ་ཚེ་རིང་ཞིང༌། དགེ་འདུན་རྣམས་ཀྱང་ཉིན་དང་མཚན་དུ་དམ་པའི་ཆོས་ཁོ་ན་སྤྱོད་པར་གྱུར་ཅིག སྦྱིན་པ་པོ་འཁོར་དང་བཅས་པ་རྣམས་ཀྱང་རྒྱལ་སྲིད་ཆོས་བཞིན་དུ་སྐྱོང་ཞིང༌། རྒྱལ་ཁམས་འཁྲུག་པ་མེད་པར་གྱུར་ཅིག ཕྱི་མའི་སྐྱེ་བ་རྣམས་སུ་ཡང་དགེ་བའི་བཤེས་གཉེན་སྐྱེས་བུ་དམ་པ་དང་མཇལ་ནས་སངས་རྒྱས་ཀྱི་བསྟན་པ་ལ་བྱ་བ་རྒྱ་ཆེན་པོ་བྱེད་པར་གྱུར་ཅིག པར་དུ་སྒྲུབས་པའི་སྐབས་སོ། །[...]
Author Colophon, A: fascicle ba, f. 14a5-7