[A:19a]Carving Colophon, f. 19a1-7
// /swasti;
gang yang bsam 'phel dbang gi rgyal po dpal ldan dus kyi 'khor lo ni/
/'phags yul gsung rab chu gter cher gnas paN grub klu dbang gtsug na mdzes/
/blo gros yangs pa'i gru rdzings la brten sgyur byed ded dpon mchog rnams kyis/
/legs blangs 'gro 'di skal pa bzang mdzad sku bzhi'i gnas reg 'dod dgu bstsal/
/de lta na yang tshogs bshad mching bu la/
/ring du 'dris pa rtog ge'i mkhas pa yis/
/kha brtse'i ganas su dkri ba'i pho nya bzhin/
/'di ni skyed rdo'i 'os shes kun tu bsgrags/
/tha snyad gzhung lugs cha klung mang brgal bas/
/snyems pa thob nas spobs pa'i tshod dpog gis/
/'di ni gya gyur mi 'gro chu min zhes/
/sems 'grel rgya mtsho che la 'phya ba mtshar/
/slad du pad dkar thugs rje'i rang gzugs ni/
/mkhas pa kun gyi ral pa'i ri bo la/
/zhabs sel zla tshes gsar pa 'god mkhas pa/
/chos kun de nyid gzigs pa gang de yis/
/thugs rje cher 'phel ngan 'gro las skyob phyir/
/gang zhig dad pa'i mchod sdong rtser mchod na/
/dngos grub yid bzhin myur stsol 'di nyid ces/
/log rtog sel byed legs bshad gtam gyi phul/
/'chi med ma lli'i dog pas mtshon min zhing/
/lho phyogs rlung gi khengs pa'ang 'phrog byed pa/
/e ma snying gi gdung sel bdud rtsi mchog
/skal bzang rna ba'i bcud len sbyin pa mdzad/
/phyi nas rin chen chos kyi rgyal po yis/
/phyogs kyi rna lung brgyan phyir 'phrul chen rgya'i/
/bskyed tshal las 'ongs yi ge'i u Tpal phreng/
/kun la char bzhin 'bab pa 'di bsgrubs so/
/gang 'di'i legs byas nyi 'od gsar pa yis/
/rnam rgyas dus 'khor gser gyi padmo'o ros/
/'gro mang bud pa tshim pa'i rtse dga' can/
/thub bstan dbyid kyi dpal mo rgyas gyur cig
/yi ger 'god mkhas lha rdor dang/
/brkos byed dar po dpon slob dang/
/sbyin dbang dpal 'byor phun tshogs rnams/
/dang po'i sangs rgyas thob gyur cig/ // /