[A:༢༥ན]༄༅། ། འདིས་སྒྲུབ་པ་པོ་རྣམས་གྱི་བར་ཆད་ཞི་ཞིང་། བསམ་པ་ཐམས་ཅད་ཆོས་བཞིན་འགྲུབ་པར་གྱུར་ཅིག །
Printing Colophon, f. 25a1-7
།ཨོཾསྭ་སྟི།
རབ་ཡངས་ལྷ་ཡི་ལམ་ལ་འོད་སྟོང་དང་།
།འཛིན་མར་དལ་འགྲོ་སྤྲིན་ལ་འབྲུག་གི་དབྱངས།
།ཕྱོགས་འདིར་ཆོས་ཀྱི་འདུ་བ་རྒྱུན་ཆགས་པ།
།རྣམ་པ་ཀུན་ཏུ་རང་རང་དངོས་པོའི་གཤིས།
།དེ་ཕྱིར་རབ་མཐོ་རྡོ་རྗེའི་ཕོ་བྲང་དུ།
།ཉལ་འགྲོ་ཐུ་གཏེར་རྒྱ་མཚོའི་ངོགས་སུ་བཞིན།
།སྐལ་བཟང་འཇུག་པའི་ལམ་སྲོལ་བླ་ན་མེད།
།གྲུབ་རིགས་བྱེ་བའི་ཅོད་པཎ་གཅིག་གྱུར་པ །
src: place of carving uncertain
།ཚུལ་འདི་འབུམ་ཕྲག་པར་དུ་ལེགས་བཀོད་པའི།
།མཐུན་རྐྱེན་གོང་དཀར་རྒྱལ་སའི་མངའ་བདག་མཆོག།
།ལྷ་སྲས་ལྷ་ཡི་དབང་པོའི་དཔལ་འབྱོར་ལས།
། རིག་འཛིན་བསྟན་པ་རྒྱས་པའི་སླད་དུ་བསྒྲུབས །
།ཁྱབ་བདག་རྡོ་རྗེ་འཆང་དབང་བླ་མ་ཡི །
།མི་འཇིགས་ཆོས་ཀྱི་སེང་གེའི་ཁྲི་བཀོད་པའི་།
།མ་ལུས་མཁས་པ་འདུ་བའི་གཙུག་ལག་ཁང་།
།རྡོ་རྗེ་གདན་གྱི་ཆོས་གྲྭར་གུས་པས་ཕུལ།
།དྲི་མེད་པདྨའི་གེ་སར་གསལ་བྱེད་པའི།
།ཉི་འོད་བཞིན་དུ་གཞུང་འདི་གསལ་མཛད་པ །
།ཐམས་ཅད་མཁྱེན་པ་ཀུན་དགའ་རྣམ་རྒྱལ་དཔལ །
།བཟང་པོའི་ཕྲིན་ལས་ནམ་མཁའི་ནོར་བུ་ཡིན།
།ཡོངས་སུ་རྫོངས་ཀྱང་ར་རིའི་སྣང་བ་ཙམ།
།མེ་ཁྱེར་འོད་ཀྱང་མགྲིན་པ་སྟོད་བྱེད་ཅིང་།
།ཕྱིར་རྒོལ་འགྲིབ་བའིཔའི་འཇིགས་ལས་མ་གྲོལ་བ།
།དེ་དག་དིང་ནས་བག་ཡོད་རྟེན་ཞིག་གུ།
།འདི་ལྟར་བསྒྲུབས་པའི་དགེ་བས་ཐེག་མཆོག་གི།
།སྤྲིན་ལ་ཆགས་པའི་སེམས་ཀྱི་མདོངས་ཐལ་ཅན།
།ལམ་ཟབ་རིམ་པ་གཉིས་ཀྱི་ནགས་ཚལ་དུ །
།དགའ་བཞིའི་ཆར་ཕྲེང་ཐོབ་ནས་གྲོལ་གྱུར་ཅིག །
།རྗེ་བཙུན་བླ་མའི་ཞལ་གྱི་དྲིན་ཐོབ་ནས།
།བཤེས་གཉེན་མཁས་པ་བསོད་ནམས་བློ་གྲོས་ཀྱིས།
།ཞིབ་མོའི་བློ་ཡིས་གཞུང་འདི་དག་པར་བགྱིས།
།པར་ལ་མཁས་པ་རྡོ་རྗེ་བརྟན་པས་བརྐོས༎ ༎
Wish Verses
སླར་ཡང་དགེ་བ་མཁའ་དང་མཉམ་པའི་དངོས །
།གང་ཐོབ་དེ་ཡིས་ཐམས་ཅད་མཁྱེན་པའི་དཔལ།
།ཀུན་དགའ་རྣམ་རྒྱལ་དཔལ་བཟངས་ཞབས་པད་ཀྱིས།
།ས་ཀུན་ནམ་མཁའ་གནས་པར་མཛེས་གྱུར་ཅིག༎ ༎ ༎