[A:541]བྷ་དྲ། བླ་མ་ཆག་ལོ་ཙཱ་བ་ལས་བརྒྱུད་ནས་སློབ་དཔོན་དེ་ཉིད་ལས་འཕགས་པ་ཏིང་ངེ་འཛིན་རྒྱལ་པོའི་མདོ། སློབ་དཔོན་འཇམ་དཔལ་གྲགས་པས་མཛད་པའི་འགྲེལ་པར་གྲགས་པའི་ཕྲེང་བ་དང་བཅས་པ་ཐོས་སོ།། །།ཡང་སློབ་དཔོན་དེ་ཉིད་ལས༑ དགེ་བའི་བཤེས་གཉེན་རྔོག་བློ་ལྡན་ཤེས་རབ་ཀྱིས་མཛད་པའི་སྤྲིང་ཡིག་བདུད་རྩིའི་ཐིག་ལེ་ཡང་ཐོས་སོ།། །།ཡང་དགེ་བའི་བཤེས་གཉེན་སྤུག་སྟོན་དང༌༑ པཎྜི་ཏ་ཐམས་ཅད་མཁྱེན་པ། སྲིན་པོ་རིའི་དགེ་བའི་བཤེས་གཉེན་གཉན་ལ་སོགས་པ་མང་པོ་ལས་དགེ་བའི་བཤེས་གཉེན་སྙ་པ་ཞེས་བྱ་བས་ནོས་ནས་དེ་ཉིད་དང༌༑
ཡོན་ཏན་དཔལ་ཞེས་བྱ་བ་ལས་སློབ་དཔོན་དགེ་བའི་བཤེས་གཉེན། སྡེ་སྣོད་འཛིན་པ་སྟག་སྟོན་ཤེས་རབ་འོད་ཟེར་ཞེས་བྱ་བ་ལས་ནོས་པ་ལས། ཆོས་མངོན་པ་མཛོད་ཀྱི་འགྲེལ་བཤད། སློབ་དཔོན་རྒྱས་སྲས་གྲགས་པའི་བཤེས་གཉེན་ཞེས་བྱ་བས་མཛད་པ་དོན་གསལ་ཞེས་བྱ་བ་སྟོང་ཕྲག་བཅོ་བརྒྱད་པ་དང༌། བྱང་ཆུབ་སེམས་དཔའི་སའི་འགྲེལ་པ་སློབ་དཔོན་རྒྱ་མཚོའི་སྤྲིན་ཞེས་བྱ་བས་མཛད་པ་སྟོང་ཕྲག་བཅུ་གཉིས་པ་དང༌། པཉྩ་སྐནྡྷའི་རྒྱ་ཆེར་འགྲེལ་པ་སློབ་དཔོན་བློ་གྲོས་བརྟན་པས་མཛད་པ་བྱེ་བྲག་ཏུ་བཤད་པ་ཞེས་བྱ་བ་སྟོང་ཕྲག་ཕྱེད་དང་གཉིས་དང༌། རྣལ་འབྱོར་ཆེན་པོའི་རྒྱུད་སངས་རྒྱས་ཐམས་ཅད་མཉམ་པར་སྦྱོར་བ་ཞེས་བྱ་བ་རྩ་བའི་རྒྱུད། རྒྱུད་ཕྱི་མ། ཕྱི་མའི་ཕྱི་མ་དང་བཅས་པ་དང༌།
ཡང་རྣལ་འབྱོར་ཆེན་པོའི་རྒྱུད་རྡོ་རྗེ་བདུད་རྩི་ཞེས་བྱ་བ། སློབ་དཔོན་རབ་ཞི་བཤེས་གཉེན་ཞེས་བྱ་བས་མཛད་པའི་འགྲེལ་པ་དང༌། སྒྲུབ་པའི་ཐབས་དང་བཅས་པ་རྣམས་དང༌། རྣལ་འབྱོར་ཆེན་པོའི་རྒྱུད་སངས་རྒྱས་ཐོད་པ་ཞེས་བྱ་བ་དང༌། དེའི་དཀྱིལ་འཁོར་ལྷ་ཉི་ཤུ་རྩ་ལྔའི་བདག་ཉིད་ཀྱི་སྒྲུབ་པའི་ཐབས་ཡན་ལག་དང་བཅས་པ་རྣམས་ཐོས་