[A:561]རབ༑ ལངས་སོ་སྟོན་ནག མགོ་འབུམ་གྲགས། མགོ་དངོས་གྲུབ་རྒྱལ་མཚན། ཆོས་ཀྱི་རྡོ་རྗེ། མགོ་དངོས་གྲུབ་མགོན་རྣམས་ལས་བརྒྱུད་ནས། སློབ་དཔོན་སངས་རྒྱས་འབུམ་ལས་དཔལ་མཆོག་རིགས་བསྡུས་ཀྱི་དཀྱིལ་འཁོར་དུ་དབང་བསྐུར་བ་ཐོས་སོ༑༑ ༑༑ཚེས་བཅུ་དགུ་ལ། རྡོ་རྗེ་འཇིགས་བྱེད་ལྷ་བཅུ་བདུན་གྱི་སྒྲུབ་ཐབས། མཚན་མ་གྱེན་འགྲེང་གི་མན་ངག
རྭ་ལ་སེམས་གཟུང་བའི་མན་ངག གཏོར་མའི་ཆོ་ག་ལ་ལི་ཏས་མཛད་པ་རྣམས་ཐོས་སོ། །འཁྲུངས་ཡུལ་དབུས་ཏེ་གདུང་རུས་དཔེ། ཡབ་འོད་པོ་བཙན། ཡུམ་ཆུང་རྒྱན། སྲས་ཀྱི་མཁན་པོ་ཉ་ར་ཐང་པ་ཤེས་རབ་བྱང་ཆུབ༑ སློབ་དཔོན་ཤེས་རབ་མགོན། གསང་སྟེ་བ་དར་མ་དབང་ཕྱུག་ལས་བསྙེན་པར་རྫོགས་སོ། །དགུང་སྙིང་ནི་བྱཱ་གྷྲའོ། །ཕྱི་རེས་ས་སྐྱར་འོངས་པའི་དུས་སུ། བླ་མ་རྒ་ལོ་ཙཱ་ལ་གླང་ལོ་དཔྱིད་ཟླ་ར་བ་ལ། དཔལ་ཨ་པ་རཱ་ཛི་ཏའི་སྒྲུབ་ཐབས་ཡན་ལག་དང་བཅས་པ་ཐོས་སོ། །གླང་ལོ་དགུན་ཟླ་ར་བ་ལ་སློབ་དཔོན་སྤྱིལ་ཕུ་བ་ལ། སློབ་དཔོན་བློ་བརྟན་གྱིས་མཛད་པའི་སུམ་ཅུ་པའི་འགྲེལ་པ་དང༌། སློབ་དཔོན་eds: «ཞ»+བཙུན་པ་ངོ་བོ་ཉིད་མེད་པས་མཛད་པའི་མདོ་སྡེ་རྒྱན་གྱི་འགྲེལ་བཤད་ཐོས་སོ༑
༑ས་ཕོ་སྟག་གི་ལོ་དཔྱ྄ིད་ཟླ་བ་འབྲིང་པོའི་ཡར་ངོ་ལ། སློབ་དཔོན་རྒ་ལོ་ལ་ཛངྒུ་ལའི་གཟུངས་སྒྲུབ་ཐབས་ཡན་ལག་དང་བཅས་པ་དང༌། པརྞ་ཤ་ཝ་རིའི་གཟུངས་སྒྲུབ་ཐབས་ཡན་ལག་དང་བཅས་པ་དང༌། རྒྱལ་མཚན་གྱི་རྩེ་མོའི་དཔུང་རྒྱན་གྱི་གཟུངས་སྒྲུབ་ཐབས་དང་བཅས་པ་ཐོས་སོ།། །།