[A:561]rab| langs so ston nag mgo 'bum grags/ mgo dngos grub rgyal mtshan/ chos kyi rdo rje/ mgo dngos grub mgon rnams las brgyud nas/ slob dpon sangs rgyas 'bum las dpal mchog rigs bsdus kyi dkyil 'khor du dbang bskur ba thos so|| ||tshes bcu dgu la/ rdo rje 'jigs byed lha bcu bdun gyi sgrub thabs/ mtshan ma gyen 'greng gi man ngag
rwa la sems gzung ba'i man ngag gtor ma'i cho ga la li tas mdzad pa rnams thos so/ /'khrungs yul dbus te gdung rus dpe/ yab 'od po btsan/ yum chung rgyan/ sras kyi mkhan po nya ra thang pa shes rab byang chub| slob dpon shes rab mgon/ gsang ste ba dar ma dbang phyug las bsnyen par rdzogs so/ /dgung snying ni byA ghra'o/ /phyi res sa skyar 'ongs pa'i dus su/ bla ma rga lo tsA la glang lo dpyid zla ra ba la/ dpal a pa rA dzi ta'i sgrub thabs yan lag dang bcas pa thos so/ /glang lo dgun zla ra ba la slob dpon spyil phu ba la/ slob dpon blo brtan gyis mdzad pa'i sum cu pa'i 'grel pa dang / slob dpon eds: «zha»btsun pa ngo bo nyid med pas mdzad pa'i mdo sde rgyan gyi 'grel bshad thos so|
|sa pho stag gi lo dpyi?d zla ba 'bring po'i yar ngo la/ slob dpon rga lo la dzanggu la'i gzungs sgrub thabs yan lag dang bcas pa dang / parNa sha wa ri'i gzungs sgrub thabs yan lag dang bcas pa dang / rgyal mtshan gyi rtse mo'i dpung rgyan gyi gzungs sgrub thabs dang bcas pa thos so// //