[A:12b] mkhas
pa
thams cad kyi shog dril re phul/ nang par de 'dis kho bo'i grub mtha' go 'dug gsung nas/ nga'i shog dril de la phyag rtags mdzad byung gsung/ 'di ni rtsa ba'i bla ma rnams kyi nang nas mchog tu 'dzig par 'dug go/ thos bsam sgom las skad cig ma yengs par/ 'chad rtsod rtsom pas bstan pa gsal bar mdzad/ sdom gsum nor bu mig 'bras bzhin du bsrung/ rgyal sras gtso bo chos rje'i zhabs la 'dud/ pha rol phyin dang rdo rje theg pa yi/ bka' dang bstan
bcos bsgrub thabs
man ngag gi/ nyan bshad mthar phyin bshad grwa sde btsugs nas/ paN chen khri mnan ring lugs bskyangs la 'dud/ de yang 'di skad gsung ste/ byang pa 'jam dbyangs nam mkha' rin chen gyis bzang ldan gyi chos grwa gzigs nas/ drung nas zur chos pa gcig la bskos/ btsun chung bcu drug sprad/ de la rten pa'i nyan bshad lo bcu gcig bar mdzad/ rting su chos sar grwa pa gsum brgya rtsam yod pa byung/ da lta'i byang pa bsod skyabs 'di dang/ chos rje mchog bzang legs pa'i blo gros su grags pa 'di/ 'chad nyan 'jog 'tshams kyi btsun chung re yin gsung/ de dus bzang ldan gyi zur chos dang/ ser chen gyi mkhan po sbrag gi yod/ chos rje paN chen pa la/ phag mo thon 'byung
gi rgyud nas bshad pa'i phag mo shes rab gsal byed kyi rjes snang dang chos skor gsan/ cung gi phul skor de shed na/ la ru ba'i phug par grags pa'i brag phug dung gi khog pa 'dra ba'i steng na phug pa yod pa re bas bkag na mun pa thub pa/ de gsal na phyag dpe gzigs la nang yangs pa/ mdo na bla g.ye thog yod pa gcig yod 'dug pa der/ lam 'bras kyi 'khrul 'khor dang / phag mo'i bsnyen bsgrub mdzad de/ der zhal gzigs par ni grags/ rje pa rang ni mi gsung ngo/ de dus slob dpon bzang pa btsun chung du yod 'dug pa'i rtog pa la/ mkhen gnyag dpon 'di 'babs 'dod