[A:1b] na mo shrI man gu ru radna pU Nya bha tra stod tra na ma: dngos grub thams cad kyi 'byung gnas chos kyi rje thams cad mkhyen pa la phyag 'tshal zhing skyabs su nye bar mchi'o/ brtse ba chen pos dus dang gnas skabs thams cad du rjes su bzung du gsol/ rgyal ba kun gyi yon tan mdzod 'dzin cing/ rgyal
ba'i
phrin las phyogs bcur rgyas par mdzad/ rgyal sras gtso bo mnyam med chos kyi rje/ bsod nams bzang po'i zhabs la phyag 'tshal lo/ dus gsum sangs rgyas kun gyi ngo bo nyid/ theg gsum dam chos rin chen 'byung pa'i gter/ bslab gsum gces 'dzin 'dus pa kun gyi gtso/ mchog gsum cig 'dus chos rje'i zhabs la
'dud/ de yang dpal 'dus pa las/ sangs rgyas gang ga'i rlung gi bye ma rnyed la mchod pa byas pa'i bsod nams ni/ bla ma'i ba spu'i bu ga las mthong ngo/ ces dang/ kha sbyor las/ bla ma'i mosmo gus tsam gyis ni/ dngos grub thams cad thob par 'gyur sogs dang/ bde mchog las/ mchod pa thams cad spangs nas ni/ bla ma mchod pa rab tu brtsam / de mnyes pa las kun mkhyen gyi/ ye shes mchog ni thob par 'gyur ces dang/ bla ma sangs rgyas bla ma chos/ de bzhin bla ma dge 'dun ste/ ces dang/ sangs rgyas kun dngos rdo rje 'chang/ brtsod pa'i dus 'dir bdag don du/ kun dang mthun par ston mdzad pa/ de ltar shes nas dngos kun gyis/ bsten bya dus gsum sangs rgyas kyi/ dngos grub rgya chen snod du 'gyur ces dang/ dbang bskur mchog thob rdo rje yi/ slob dpon la ni de bzhin gshegs/ phyogs bcu'i 'jig rten khams bzhugs pas/ dus gsum du ni mngon phyag bgyi/ ces dang/ bla ma dang ni rdo rje sems/ tha dad par ni mi rtog go/ ces sogs gsungs pa ltar/ gnas tshul yin pa la yin pa ltar brjod pa'i sgo nas mchod par brjod de/ sngon bsags bsod nams legs sbyar chu gter dbus/ bzang po'i rnam