[A:29a] la sogs pa/ gnyis med rgyud nas bshad pa dang/ dpal gsang ba 'dus pa la sogs phar rgyud dang/ dpal 'khor lo sdom pa la sogs mar rgyud dang/ rdo rje phreng ba sogs mtha' dag gi dkyil 'khor phyogs gcig tu sdebs te sgrigs pa dang/ sgrub thabs rgya rtsa dang rgya mtsho la sogs pa'i bka' lung grang las 'das pa rnams 'phangs pa med par/ gong lo sum bcu gzhes pa'i dus bzang ldan gyi 'chad nyan mdzad pa nas bzung te/ mthar gong lo go gsum gzhes pa'i dus yan/ lo grangs drug bcu'i bar rgyun chags su gnang pa yin pa'i phyir ro/ dus 'khor gsang 'dus bde mchog kye rdor dang/ dgra nag gdong drug gshed mar tshe dpag med/ sgrol ma rnam rgyal mkha' spyod dkar dmar sogs/ yid dam lha gzigs chos rje'i zhabs la 'dud/ de yang 'di skad thos te/ sbyor ba yan lag drug dang snyen bsgrub sku nyams su gzhes pa'i dus/ 'ja' dang 'od zer mtha' yas 'phro ba'i dbus su/ de ni legs pa'i longs spyod rdzogs pa'i sku'i gzugs brnyan 'di rnams/ stong pa nyid kyis gzugs brnyan du gzigs par snang ste/ 'di rnams ni che long zhig yin la/ de dus su sangs rgyas dang byang chub sems dpa' dang / rnal 'byor pho mo dang/ mgon po dang lha mo'i rnam thar snang ba sogs ni bsam gyis mi khyab la/ de rnams kyis lung ston pa dang dbang bkur ba dang / de rnams dang dbyer med du 'dres pa dang/ gcig las du mar sprul ba dang/ du ma'ang gcig tu bsdu ba sogs/ sna tshogs pa mdzad par snang la/ mkha' spyod ma dkar mo 'di sngon nas kyi yid dam yin zhing/ sgrol ma dkar sngo gnyis dang/ mkha' spyod ma dkar mo 'di bsgrubs nas gzigs pa'i ltar yang grags/ 'di'i gzigs tshul la/ thos pa rgyud pa la la na re/ bsgrub pa mdzad dus
mtshan