[A:4a] ba'ang byung/ yum na re/ nyid cag rnams zer ba bzhin/ nga'i bu 'di lus la chags pa nas da lta phan/ sems la sdug bsngal dang / lus la skye 'khur gyi na tsha dang/ bi tsa gzhan la 'ong ba bzhin ye ma byung/ 'di rang dga' rab gcig yin 'dug rmi ltas yang bzang gsung nas shin du byams par mdzad de/ lo gsum gyi bar/ mar bu ram kho nas gsos/ yum gyis bsnyung gnas mdzad pa'i phyag gi zhor 'degs dang/ yig ngo yang mkhyen/ oM gsum ma dang/ bcu gcig zhal gyis gzungs rings thugs la zin pa byung pa dang/ yum gyi dgongs pa la klog mkhas pa gcig slob dgos dgongs nas ri phug cig tu rkyal ba na/ de'i nub mo zla ba sgra gcan gyis bzung/ gro pa byin zla ba'i rim 'gro la 'tshogs/ rje pa gcig pu nang du bzhag/ der bzhugs ma tshugs par gzigs pas shin du 'jigs par byung/ 'di rgyun du yong pa yin 'dug dgongs nas sang nam langs 'bral la yum gyi sar bros byon/ de nas yum rang la klog 'don bslabs pas mkhas par mkhyen/ rtsed grogs kyi byis pa gcig yod pa dang klog 'gran mdzad pas/ klog kho bzang par med de ngas sngar gser 'od la klog dar byas pas blo la yod pa ston pas/ thams cad nga la ngo mtshar du byed pa byung/ de dus lo bzhi pa yin
gsung/
dus phyis nga dge bshes dga' rab gcig tu longs yod tsa na/ kho yang / rta gsum re tsam yod pa'i zhor 'dra dga' mo gcig byung 'dug ste/ tshe ring po ma byung par snga mo nas shi 'dug/ nga la dus de rtsa na byis pa mang pos bskor nas chos shod zer rdo khri re rtsigs nas de'i khar 'jog/ ngas gser 'od re 'don byed pa gcig yod pa yin zhes zhal mnga' nas
gsung ngo/ lo lnga bzhes nas 'jig rten dbang phyug gi bsnyung bar gnas pa'i tshul la lo bdun sbyangs/ bstan pa'i bdag por spyan ras gzigs kyis bstan/ rnam thos sras kyis rgyal mtshan phul la 'dud/ de yang 'di skad thos te/ 'phags pa 'jig rten dbang phyug zhal bcu gcig pa'i bsnyung bar gnas pa khri tsho gcig btang bas 'phags pa
zhal gzigs/