[A:39a] ltos pa med pa dang/ rtag par tshul khrims kyi dri ngad dang ldan pa dang/ chos gsung ba'i tshe thag nye ring khyad med du gsal la/ dud 'gros kyang chos nyan du 'ong ba'i phyir dang/ chos ston pa la thogs pa med pa dang/ 'bad rtsol med pa dang/ chos thams cad la dbang 'byor ba'i ye shes kyi gzigs pa rnam par dag pa dang/ bsam gyis mi khyab pa'i rgyan gyis mdzes pa dang/ dge ba'i las la sbyor ba'i phrin las rnam par dkar ba dang/ kun tu bzang po'i rnam par thar pa dang/ smon lam gyi stobs bsam gyi mi khyab pa dang mtshungs pa dang/ rigs drug gi sems can la ma'i 'du shes rgyun mi 'chad pa dang/ sangs rgyas dang byang chub sems dpa' rnams kyi mdzad pa tshur mthong gi yul ma yin pas/ tha mal gyi tshul bzung nas sna tshogs pa'i gdul bya skyob par mdzad pa ni ched dam yin pa'i phyir ro/ de tshe lha'i me tog char ltar phab/ ston mchog ngo mtshar dad btan brten du gzhag/ dri bzangs sad kyis stong gsum khyab par mdzad/ rnam par dkar ba'i 'ja' 'od spros la 'dud/ de'ang 'di skad thos te/ sngon pha dam pa sangs rgyas kyi zhal nas/ bod 'di rnams kyis a tsa ra'i sha zos na/ mkha' spyod du 'gro bar 'dug te/ blo nyes byed par 'dug gsung pa dang/ bud med gcig gi
sar
a tsa ra gcig byung nas/ dam pa sangs rgyas dang phrad na 'gro ran gsung/ de phral la phyin pa na/ spur khang la gzhus phul bas/ de las bdud rtsi'i rgyun 'dzags pa/ gzhan dag gis khrag du ngos bzung/ bud med des de mthungs pas/ skad gcig de la mkha' spyod du gzhud zer/ de dang mtshungs par/ 'dir yang gdung la gzhus phul ba na/ slob ma rnams kyi dad pa'i stobs dang/ thugs rje'i byin brlabs bsam gyis mi khyab pas/ sku lus kyi cha thams cad nas bdud rtsi'i