[A:40a] pa'i dga' ston gyis thugs kyi dgongs par slang dor byas shing/ phyi rten nang rten gsung gi rten rnams/ dang po bzhi ni zhal gzhugs dus su/ rab gnas kyang rje pa rang la zhu ba yin gsung nas/ zhal gzhugs pa'i dus su grub par mdzad lags/ khyed kyi rnam thar dpag yas rgya mtsho las/ cung zad blangs pa'i chu gtsang dri med 'di/ nyon mongs tshad pas gdungs pa'i skom nad can/ mgon med rnams kyi skom pa zhi gyur ro/
de ltar na mgon po tshe dpag tu med pa dang/ rgyal ba ma pham pa dang/ phyogs bcu'i sangs rgyas dang byang chub sems dpa' thams cad kyis mgrin gcig/
Author Colophon
dbyangs gcig dgongs pa gcig gis/ sems can gyi don bkul zhing rang nyid kyang sems can la tshad med pa'i thugs rje chen po'i thugs bskyed nas/ sprul pa mtha' yas pas sems can gyi don mdzad pa'i sprul pa'i sku de nyid kyi 'ang/ bla ma'i 'os su rgyal ba rnams kyis sngags shing/ lung bstan la rang nyid kyis kyang dbang thob ces pa'i sgo nas zhal gyis
gzhes
pa'i skyes bu chen po de nyid kyi rnam par thar pa ni/ bdag lta bu'i bsam rjod las 'das shing yul ma yin la/ cha shas tsam kyang mtshon par mi nus na'ang/ rang gi cung zad thos pa dang/ zhal nas dngos su gsung ba dang/ nye gnas chen po'i gsung ngag la 'dris nas cung zad rang gi rjed byang dang/ blo chung pa rnams dad pa bskyed pa'i phyir/ phyogs tsam gcig bris pa'i dge ba'i rtsa ba la brten nas/ bla ma dang bral nas mgon med pa rnams kyi dad pa'i gsal 'debs byas te/ bla ma rin po che'i zhabs drung du skye bar shog/
ces pa'i don te/ gdams pa'i don dang nges don gnad ma go/ rgyu 'bras slu ba med la log par spyod/ rab byung tshul bzung khyi mag spyod la 'dran/ bdag 'dra'i sems can skyo'i spyan gyis gzigs/ byas pa'i yus med bden pa'i tshig med kyang/