R1143: chos kyi rje karmA phrin las pa'i gsung 'bum las thun mong ba'i dri lan gyi phreng ba rnams/ par rnying / mjug byang / {bod yig glog rdul dpe cha/}

  • Pagination (Witness A): 69a
[A:69a]/ /'di'i phrin las rgya cher spel ba'i phyir/ /rgyal ba'i dgongs pa ji bzhin sgrub mkhas pa/ /rgyud sde'i slob dpon rin chen bzang po dang/ /lugs gnyis bka' yi 'khor lo bsgyur mdzad pa/ /zla 'od rnam par rgyal ba rnam gnyis kyis/ /rnam dkar mdzad bzang mtshon pa'i sbyin pa'i phyag/ /ring por brkyangs te 'dod dgu'i longs spyod kyi/ /phyag len mthun rkyen bsgrubs pa la brten nas/ /gzugs mdzes yi ge'i mkhan po thu mi'i bu/ /mkhas pa'i mkhas pa rdo rje tshe dbang ste/ /gsegs gcod lag sor rtse la rol rtsed mkhan/ /sprul pa'i bzo bo tshe brtan rdo rjes brkos/ /legs byas dge ba'i 'od dkar phung po des/ /rgyal ba'i bstan pa yun du gnas pa dang/ /khyad par rgyal dbang karma phrin las pa'i/ /sku tshe'i rgyal mtshan nam mkha' gnas kyi bar/ /mi nub brtan zhing blo gsal gdul bya'i tshogs/ /bshad sgrub dar rgyas gong du 'phel gyur cig/ /ces brjod de/ 'phags pa'i yul du bsgyur byed du grags pa sa mo phag lo hor zla drug pa'i tshe bdun gyi nyi ma me bzhi'i grub sbyor dang ldan pa'i dus dge ba la bstan pa rin po che bshad sgrub kyi sgo nas 'dzin pa'i chos kyi 'dun sa chen po rin chen ri bo legs par bshad pa'i gling du yongs su rdzogs par grub pa bkra shis dpal 'bar 'dzam gling rgyan du shog