[A:276a]/ / sde snod 'dzin pa du mas bskul ba'i ngor/ snyigs dus kyi skye dgu ma lus pa'i mgon gcig pur gyur pa rgyal ba'i dbang po thams cad mkhyen pa chos grags rgya mtsho'i zhabs kyi pad mo la yun ring du gtugs nas gsung gi gsang ba rna ba'i rgyan du byas shing/ khyad par du gzhung lugs 'di nyid yang nas yang du zhus te nan tan du byas pa/ shar dwags po'i paNDi ta gsum pa dpal phyogs thams cad las rnam par rgyal ba'i lha/ ming gzhan karmA phrin las pa zhes bya bas/ rgyal dbang mchog gi bzhed pa ji lta ba bzhin du dkar po'i lo [1509]la yol gzims khang zhes bya ba'i dge gnas su mgo brtsams te/ blo gsal 'du ba'i bsti gnas legs bshad gling du rdzogs par sbyar ba'i yi ge pa ni byams pa rigs pa'i dbang phyug gis bgyis pa ste/ 'dis kyang bstan pa dang sems can la phan pa dang bde ba rgya chen po 'byung ba'i rgyur gyur cig siddhi ristu/ dam chos bdud rtsi dkar po'i 'od ris can// snyan grags shing rtas drangs pa ma bzlog par// 'gro sems rgya mtshor snang ba'i sgyu 'phrul mkhan// karma par grags skye dgu'i gtsug na mdzes// gang de'i mkhyen bzang gser gyi ra bar ni// gzhung 'di'i rtsa 'grel klu dbang mthu rtas pas// zab gnad chu gter 'phyur ba las byung ba'i// gsung rgyun lha yi gangga su yis bzlog// de dag blo mtshor drangs pa'i mngon