[A:64]/ /sems dpa' chen po nam mkha' 'od zer gyi rnam thar bzhugs so//
na mo wa gI shwa ra ya/ dpal ldan bla ma dam pa chos kyi rje rdo rje slob dpon chen po nam mkha' 'od zer gyi rtogs pa brjod pa dad pa'i lhun po zhes bya ba/ dpal ldan bla ma dam pa sems dpa' chen po de nyid kyi zhabs la gus pas phyag 'tshal lo/ /dge legs gser gyi sa 'dzin rab brjid pa'i// mgul du thugs rje'i chu 'dzin legs 'khyud nas/ /gzhan phan byang chub sems kyi char rgyun gyis/ /phan bde'i lo thog skyong der mgos phyag 'tshal// gang gi thugs rje'i zhags pa dkar po yis/ /'gro ba 'di dag legs par drangs ba'i tshul/ /ma lus rgyal bas bskal par brjod gyur kyang / /cha tsam zad par 'gyur ba ga la zhig /de phyir mkhyen brtse'i gting mtha' 'di tsam zhes// blo dman bdag gis brjod par mi nus kyang // mgon der dad pa'i myu gu rang gzhan la/ /bskyed phyir rnam thar mdo tsam 'dir brjod bya/ /
de yang bdag nyid chen po 'di ni sngon gyi byang sems lo paN 'di lta bu'i rnam par 'phrul pa yin no zhes nyid kyis gsungs pa dang gzhan la grags pa ma thos mod kyi/ mtha' yas pa'i mkhyen rab dang / dmigs pa med pa'i