R1153: lo chen thams cad mkhyen pa shes rab rin chen rgyal mtshan dpal bzang po'i zhabs kyi rnam par thar pa/ {bod yig glog rdul dpe cha/}

  • Pagination (Witness A): 51
[A:51]dug gsum gyi spyod par mngon pa mang du 'byung yang / chos dang bstun pa'i tshe/ rgyu'i kun slong 'dul ba'i dus dran dang / mdo'i snying rje dang / rgyud sde'i lha'i rnal 'byor gyis gang zin dang / ma zin na de ma thag tu bshags bsdams sogs legs par byas so/ / gsum pa yan lag bdun pa'i lhag ma bya ba/ nyams len mtha' dag smon lam du gdab pa'o/ / dang po ni/ mchod pa kun 'bul gyi sogs so/ / gnyis pa la/ rig gnas spyi'i dang / nang rig dgos kyi'o/ / dang po ni/ don gnyer sogs so/ / gnyis pa la/ mdo phyogs sde snod gsum gyi dang / sngags phyogs rgyud sde bzhi'o/ / dang po ni/ lus ngag sogs so/ /gnyis pa la/ rgyud sde 'og ma gsum gyi dang / bla med rigs gsum gyi smon lam ste/ phyi rol sogs dang / gsang dbang sogs so/ /'di dag gi don rags pa go sla zhing / rgya cher brjod na yi ge mang bar 'gyur bas/ gzhan du rgyas par bshad pa las shes par bya'o/ / rang gi rnam thar rang gis brjod la zhe 'tsher yang / /rgyal bas gsungs shing | khyung po rnal 'byor/ yang mgon pa/ 'ba' ra ba sogs dam pa mang pos mdzad pa ltar/ slob mas bskul ngor pradznya ratnas smras pa'o/ /nongs pa kun bshags skal bzang 'ga' la phan gyur na/ /dge ba gang des pha ma mkha' mnyam 'gro ba kun/ /myur du rgyal ba'i go 'phangs 'thob pa'i rgyur gyur zhing //