ཡང་དང་ཡང་དུ་བསྐུལ་བའི་ཕྱིར་དུ་བྲིས།། འཁྲུལ་བ་མཆིས་ན་དམ་པ་རྣམས་ལ་བཤགས།། དགེ་བ་འདི་ཡིས་སྐྱེ་བ་ཐམས་ཅད་དུ།། བླ་མ་དམ་པ་རྣམས་ཀྱི་རྗེས་བཟུང་ནས།། གསང་སྔགས་རྡོ་རྗེ་ཐེག་པའི་ལམ་བགྲོད་དེ།། རྡོ་རྗེ་འཛིན་པ་མངོན་དུ་བྱེད་པར་ཤོག། ཅེས་པ་འདི་ནི། ཤཱཀྱའི་བཙུན་པ་ཆོས་གྲགས་དཔལ་བཟང་པོས། དཔལ་བཟང་ལྡན་གྱི་གཙུག་ལག་ཁང་དུ། མྱོས་བྱེད་ ཤིང་མོ་ལུག་ ཀྱི་ལོ། གྲོ་བཞིན་གྱི་ཟླ་བའི་དཀར་ཕྱོགས་ཀྱི་བཅོ་ལྔ་ལ་རྫོགས་པར་བྲིས་པའོ།། འདིས་འགྲོ་བ་དུ་མ་ལ་ཕན་པར་གྱུར་ཅིག ཡི་གེ་པ་ནི་དགེ་བའི་བཤེས་གཉེན་རིན་ཆེན་དཔལ་ལོ།། ཤུ་བྷ་མསྟུ་སརྦ་ཛ་ག་ཏཾ། ལན་གཅིག་ཞུས་སོ།། eds: མ་ཕྱི་འབྲས་སྤུངས་དཔེ་རྙིང་ཕྱི་མ ༩༠༦།
གསལ་བཤད།
བོད་རྒྱལ་ལོ། ༢༡༤༠ ཟླ་ ༨ ཚེས་ ༡༥ ཕྱི་ལོ་ ༢༠༡༣ ཟླ་ ༩ ཚེས་ ༡༩ ཉིན། ༧སྐུའི་གསུང་སྒྱུར་གླང་རི་དགེ་བཤེས་ཐུབ་བསྟན་སྦྱིན་པ་མཆོག་གིས་དབུ་ཁྲིད་པའི་བོད་ཀྱི་གཙུག་ལག་ཞིབ་དཔྱོད་ཁང་གི་བླ་ན་མེད་པའི་གཟིགས་སྐྱོང་འོག འཆི་མེད་ཚེ་རིང་ལགས་ཀྱིས་རྩིས་འཁོར་དུ་བཅུག་ཅིང་། བེ་རི་རིག་པའི་རྡོ་རྗེས་དཀར་ཆག་ཞིབ་རྒྱས་སུ་བཀོད་ཅིང་འཕྲུལ་དེབ་ཏུ་ཕབ་སྟེ། རྒྱ་ཆེའི་ཀློག་མཁན་རྣམས་པར་ལེགས་སྐྱེས་སུ་ཕུལ་བ་དོན་དང་ལྡན་པར་གྱུར་ཅིག དཔར་བྱང་སྨོན་ཚིག
རྣམ་གྲོལ་ཞི་བའི་རྒྱ་མཚོར་རོ་གཅིག་ཏུ།། གཞོལ་བའི་མཐའ་ཡས་ཆོས་ཚུལ་དལ་འབབ་ཀླུང༌།། ཚིག་གི་གཟེགས་མ་རེས་ཀྱང་དུག་གསུམ་གྱི།། དྲི་མ་ཡོངས་འཁྲུད་ལེགས་བཤད་བདུད་རྩི་འདི།། དཔར་དུ་བསྐྲུན་པའི་རྣམ་དཀར་ཕུང་པོའི་མཐུས།། ཡང་དག་ཆོས་ཀྱི་སྒོ་མོ་སྟོང་ཕྲག་བརྒྱ།། གདངས་ཏེ་རྒྱུད་ལྔའི་འགྲོ་བ་མ་ལུས་པ།། ངེས་ལེགས་ནོར་བུའི་མཛོད་ལ་དབང་འབྱོར་ཤོག། ཅེས་འཛམ་གླིང་ཡངས་པའི་ཁྱོན་ལ་འཚེ་མེད་ཞི་བའི་ལམ་སྟོན་རྣམ་འདྲེན་ཤཱཀྱ་སེང་གེའི་རིང་ལུགས་སྒོ་ཀུན་ནས་རྒྱས་པ་སོགས་འཕྲལ་ཡུན་ལེགས་ཚོགས་དུ་མའི་ཆེད་དུ་དམིགས་ནས། ནང་བསྟན་གྲུབ་མཐའ་རིས་མེད་ཀྱི་གསུང་རབ་རྣམས་དཔར་དུ་བསྐྲུན་དང་བསྐྲུན་འགྱུར་གང་ལ་འང་སྦྱར་ཆོག་པའི་དགེ་བསྔོའི་སྨོན་ཚིག་ཏུ་ཤཱཀྱའི་དགེ་སྦྱོང་ཆོས་སྨྲ་བ་ངག་དབང་བློ་བཟང་བསྟན་འཛིན་རྒྱ་མཚོས་སྦྱར་བའོ།།