[A:105a]sangs rgyas kyi byin gyis rlabs kyis drang srong rnams rigs sad nas nyi ma'i shing rta 'dren te mi'i dbang phyug de la gsol ba btab pas/ des kyang zhal gyis bzhes te zla ba phyi ma nag pa'i dkar po'i phyogs la dbang bskur bas thams cad kyang rdo rje'i rigs gcig tu mdzad pas rigs ldan zhes grags so/ /dbang bskur ba'i dus de na shambha la'i yul gyi mi thams cad dang / khyad par gyi 'khor tshangs pa'i drang srong bye ba phrag phyed dang bzhi'o/ /der nyi ma de kha la rtsa ba'i rgyud la 'phreng ba 'dzin pa'i sdeb sbyor gyi shlo ka stong phrag gcig dang sum cu lhag pas dpal ldan rgyud bsdu bar mdzad pas 'di ni dpal ldan 'jam pa'i rdo rje lha yi mchog gi rgyud la rdo rje'i rigs kyi rigs ldan de/ rdo rje'i dbang bskur byin nas mtha' dag thub pa'i rigs rnams dag ni rigs gcig dag tu byed par 'gyur/ /zhes gsungs so/ /de'i lo'i rgyal gyi nya la gang ba sras lha mo sgrol ma'i mngal du 'khrungs pa 'jig rten dbang phyug gi sprul pa'i sku padma dkar po la rgyal po bskos te/ bsdus pa'i rgyud la ston pas 'grel bshad byed pa pad dkar 'dzin zhes lung bstan pa ltar gyis shig par bskul te sprul pa bsdus so/ /pad dkar gyis 'grel pa dri ma med pa'i 'od ces pa shlo ka stong phrag bcu gnyis pa mdzad de lo brgyar bsten/ de nas bzang po/ rnam rgyal/ bshes gnyen bzang po/ phyag dmar/ khyab 'jug sbas pa/ nyi ma grags pa/ shin tu bzang / rgya mtsho rnam rgyal/ rgyal dka' nyi ma/ sna tshogs gzugs/ zla 'od/ mtha' yas/ sa skyong / dpal skyong / sengge/ rnam gnon/ stobs po che/ ma 'gags pa/ mi'i sengge/ dbang phyug chen po/ mtha' yas/ rnam rgyal te/ 'grel chen las/ de bzhin rim pa ji lta bar gshin rje mthar byed la sogs pa'i khro bo bcu dang / sa'i snying po la sogs pa'i byang chub sems dpa' bcu gsum po rnams te gshin rje mthar byed la sogs pa khro bo'i rgyal po de dag gi bar du byang chub sems dpa' bcu gsum po de dag lung bstan no zhes/ lung yang rtsa rgyud las/ gshin rje gshed sogs khro bo bcu/ /de bar byang chub sems dpa' gzhan/ /bcu gsum de dag rim pa yis/ /rigs ldan rigs la 'byung bar 'gyur/ /zhes