[A:106a]pad dkar nas drag po'i bar du nyi shu rtsa gsum/ gzhan zhes pa 'jam dbyangs dang spyan ras gzigs gnyis las gzhan zhes pas sems dpa' de gnyis dor ba'i bcu gsum/ sprul gzhi sprul sku ma sbyar bas su su'i yin par 'chad pa mi mthun pa mang ngo / /de nas/ grags pa rigs ldan de nas slar/ /de sras 'khor lo chen po can/ /rigs ldan drag po 'byung 'gyur te/ /smra mkhas rta mchog ting 'dzin gyis/ /kla klo'i chos ni mthar byed pa'o/ /zhes gsungs pas rtsa drug pa la 'jam dbyangs grags pa nyid rnam rgyal gyi sras su 'khrungs te rigs ldan drag po 'khor lo can de ltar zla bzang gi yab rgyal po nyi ma'i 'od mi the ba'i chos kyi rgyal po bdun/ rigs ldan nyi shu rtsa drug pa thams cad rgyal por bskos nas lo brgya rgyal srid skyong / brgya pa de rang la rgyal sa gtad nas sprul pa bsdu bar mdzad pa yin la/ dgung lo 'di tsam nas rgyal sar phebs lung gis ma zin pas 'chad par dka' 'o/ /de yang ston pa mya ngan las 'das nas lo drug brgya na 'jam dpal grags pa 'byon/ de rgyal sar phebs nas lo brgyad brgya na ma kha'i yul du sbrang rtsi'i blo gros zhes bya ba ra Na bsgrubs pa grub ste kla klo'i lugs brtsam/ lugs de la lha ma yin gyi chos/ mu stegs pa sde lnga la sogs pa lha chen po gsum gyis bstan par 'dzin pa'i phyir lha'i chos/ theg pa gsum la ni sangs rgyas kyi chos zhes grags so/ /pad dkar rgyal sar phebs nas lo brgyad brgya na lha ma yin gyi chos de 'phags pa'i yul gyi phyogs su 'byung la/ de nas brgya dang gya gnyis na rigs ldan rgyal dkas rtsis gzhi mdzad/ de nas lo nyis brgya dang nyer gcig song ba na dpal dang po'i sangs rgyas 'phags pa'i yul du byon pa yin la/ de'i phyi lo'i rab byung nas da lta'i khyu mchog gi bar drug cu skor dgu dang lo bcu bzhi song / da lta rgyal po rnam gnon rgyal sar bzhugs nas lo grangs lnga bcu rtsa bdun thal ba yin no/ /da ni lo zhe gsum lhag pa'i drug brgya na 'khor los sgyur ba chen po drag po 'khor lo can khrir phebs la/ de nas lo lnga bcu shambha la rang du bzhugs/ nga gcig pa la dpung gi tshogs yan lag bzhi pa dang bcas te shambha la nas byon nas sog yul chu bo sI ta'i 'gram du kla klo byed pa'i