[A:140a]'dzin pa rgyu skar 'phreng ba can/ /mtshan mo mkha' la rgyu ba 'di dor nas/ /dwangs pa'i chu nang 'di na zla ba zhes/ /gzugs la tshad mar 'dzin pa byis pa'i blo/ /zhes bris te glan/ de lo tsA bas gzigs nas/ 'di sus btab/ dzo gi zhig phyugs 'tsho yi 'dug pa des btab zer/ da lta gar yod/ phyugs 'tsho sar/ tsa na sleb/ nyi ma nub kha na'o zer bas/ lAnydza shin tu legs pas yi ge ngo mkhyen nas smr-i ti'o snyam bsgugs pas ma byon/ sang snga bar gshegs lan du ma'i mthar mjal bar snang ste/ snga sor nas dpon slob yin pas lo tsA ba bshums nas/ 'di lta bu'i 'o brgyal ba zhus pa/ ngas ma'i don du 'di ltar byas pa yin/ ma gar/ 'di na'o gsungs/ der lo tsA bas khong rang gi nor gyis sgyed po bslus/ phyugs 'tsho ba'i yon blangs te ngan song sbyong ba'i cho ga la brten nas ma mtho ris su drangs/ lo tsA bas sgor ma thub pas khams la gshegs/ phyis bod du 'phrin las dum bu byung / de la lo tsA ba nas 'di shin tu mkhas pas mu stegs byed rnams kyis khong gis bstan pa bsnubs dogs bskrad pa byas pas lan gsungs so/ /brgyad pa ni jo bo a ti sha ste/ shar phyogs bhangga la'i pho brang gser gyi rgyal mtshan can mnga' thang rgya nag stong khun dang mnyam pa/ byang chub sems dpa' zhi ba 'tsho 'khrungs pa'i rgyal rgyud du yab rgyal po dge ba'i dpal/ yum 'od zer dpal/ de gnyis la sras gsum/ padma'i snying po/ zla ba'i snying po/ dpal gyi snying po las che bas srid gzung / 'bring po zla ba'i snying po jo bo yin/ chung ngu'i dus gdung mtshams su tsheg sgra dang 'ur sgra byung nas gzigs pas/ yum gyis utpal sngon po skyes ma thag pa gcig tu mthong / sras kyis jo mo sgrol ma mngon sum gzigs/ cher skyes dze tA ri dgra las rnam rgyal mjal/ des lung bstan nas nA lendrar byon/ gnas brtan chen po byang chub bzang po mjal/ de nyid du rig pa'i khu byug mjal/ de dag gi gdam ngag gis sbyor lam thob/ des ri nag po'i zom na nga'i slob ma a wa dhU tI pa yod de'i rtsar song gsung byon/ de nyid du bla ma rA hu la la'ang gtugs/ a wa dhU tI pa'i drung du dgung lo bcu gnyis nas bco brgyad kyi bar du bzhugs/ a wa dhU tI pa'i spyod pa