[A:141a]lo gsum mdzad/ sgra tshad la sbyangs/ de nas dgung lo nyi shu rtsa dgu'i bar du dpal nA ro pa sogs mang du bsten nas gsang sngags kyi thos pa mang du mdzad/ bla ma Dombi pas byin gyis brlabs pas mthong lam gyi rtogs pa brnyes/ bhangga la'i bstan pa mu stegs la shor ba rtsod pas mu stegs pham par byas te bslus/ lo de la dpal he ru ka mdun gyi nam mkha' la byon nas/ rigs kyi bu a wa dhU tI pa'i spyod pas gar yang mi phyin pas khyod rab tu byung zhig gsungs rmi lam du lung bstan/ yang nub cig rmi lam na gtsug lag khang chen po zhig na bcom ldan 'das shAkya thub pa dge slong gi dge 'dun chen po dang thabs cig tu gdugs tshod gsol/ de'i gral zhabs la jo bo bzhugs pa la/ sangs rgyas kyis ma gi'i mi 'di ci la chags nas rab tu mi 'byung zhes gsungs pa rmis pas rab tu byung bar dgongs/ sde pa yod smra la dad kyang grogs stobs kyis rdo rje gdan gyi ma ti bi ha ra'i gtsug lag khang du phal chen sde pa'i gnas brtan 'dul ba 'dzin pa chen po sbyor ba'i lam de kho na nyid kyi phyogs gcig la zhugs pa shI la rakShi ta las bsnyen par rdzogs/ mtshan dI paM ka ra shrI dznyyA na'o/ /de nas dgung lo sum cu rtsa gcig tshun sde pa bzhi'i sde snod kyi gzhung la sbyangs pas sde pa thams cad kyi dri ba'i gnas su gyur la/ dharmA rakShi ta la lo bcu gnyis bye brag tu bshad pa chen po gsan/ rig pa'i khu byug shAnti pa sogs la thos pa mthar phyin pa mdzad/ slob ma paNDYi ta 'gro ba bzang po/ chos kyi bshes gnyen/ dge ba'i 'byung gnas/ dpa' bo'i sde/ lha'i blo gros/ thi ma rba/ sa snying / ye shes snying po/ ngag gi dbang phyug dha na shrI mi tra/ shes rab bzang po/ zla bzang / kun bzang / gsang ba'i snying po/ blo gros mtha' yas/ rgya mtsho'i rba rlabs/ ri rab rgyal po/ dpa' bo rol pa la sogs pa mang du 'dus/ 'dzam bu'i gling du mkhas pa'i grags pas khyab/ der gser gling pa chos kyi grags pa'i snyan pa gsan nas/ zla ba bcu gsum gyi bar rdzing la byon/ gser gling du phebs/ der bod kyi rgyal po srong btsan gyis bzhengs zer ba'i mchod rten gyi drung gser gling gi nub phyogs kyi char gtogs pa zhig tu bzhugs/ zla ba bcu gnyis su ma mjal/ de nas