[A:152a]las rgya gar na mchog gyur/ shu bha kA ka ra gupta/ wA gI shwar gupta/ bi khyA ta de wa/ niShka langga ka de wa/ bhakSha ra gupta/ nA ya ka pA da/ bod na rtsa mi lo tsA dang grogs mched phar gsan tshur gsan/ steng lo tshul khrims 'byung gnas/ pa tshab nyi ma grags/ khe gad 'khor lo grags/ spong zho gsal ba grags/ rga lo/ ro lings pa/ ding ri chos grags/ tre bo shes rab dpal/ she'u lo tsA ba sogs mang po/ manydzyu kIrti ni lnga rig pa nA ro pa'i zhabs la legs par gtugs te dus 'khor sogs kyi rgyud sde la mkhas par sbyangs pa manydzyu ha ra zhes bya ba'i gnas su bzhugs pa/ de'i slob ma sa manta shI bha dra ni bal po ye rang du 'khrungs/ manydzyu kIrti la dus kyi 'khor lo legs par thob pa'o/ /kha che zla mgon ni kha cher bram ze bzang po'i zhabs zhes kyang bya/ sUrYa ka tu zhes kyang bya ba mkhas pa'i phul du phyin pa des/ rang gi 'khor paNDYi ta so na sa ni dang lui ka ra/ da na shrI/ tsantra rA hu la/ so ma nA tha la sogs pa la chos gsung zhing bzhugs pa'i tshe/ paNDYi ta 'dul ba 'byung gnas blo gros kyis dbang mdor bstan/ dbang rab byed kyi dpe bskur bas gzigs te ngo mtshar/ de las zla mgon mchog tu dad pa skyes nas der chos nyan 'phro bcad de dbus su byon/ dus zhabs chung ba dpal nA lendra pa dang mjal nas dus kyi 'khor lo mkhas par bslabs so/ /dam pa sangs rgyas ni slob dpon ka ma la shI la bod du sku gshegs nas skye ba rgya gar lho phyogs bye brag tsa ra sing nga zhes bya bar tshong dpon gyi rigs su 'khrungs/ bi kra ma shI lar mkhan po dge ba'i lha las rab tu byung / de dang bram ze ArYa de wa la sogs pa la brten nas rig pa'i gnas lnga la mkhas par sbyangs/ nA ro mai tri la sogs pa thun mong mi'i bla ma lnga bcu rtsa lnga/ 'ga' zhig dngos dang 'ga' zhig dag snang gis mjal/ ngo mtshar mkha' spyod kyi bla ma sum cu rtsa drug dag pa'i snang bas bsten/ thugs dam gyi lha bde gshegs bcu gnyis dang mi dang mi lab lab mdzad/ khyad par u rgyan gyi dur khrod rgyu skar dpal gyi rol par bcom ldan 'das bdag med mas mngon sum du rjes su bzung ba phyag rgya chen po mchog gi dngos grub brnyes pa'o/ /'di la gzhan gyis dgung lo mang po bar byas pa dang / ka ma la shI las grong 'jug byas par bshad pa rnams la gtam tshad ma gnod byed du snang ngo / /slob dpon dza wa ri