[A:155a]gsum sbyin gtong mdzad pa/ lho phyogs su gnod sbyin btul ba/ lta stangs mdzad pas nam mkha'i bya thams cad bka' bsgo ba nyan pas wA rA Na sI'i gtso bo brgyad cu rtsa bzhi dang / rgyal po dza ya se na dang / paNDYi ta a nanda thugs gtad pas grol ba dang / wA rA Na sI'i rgyal po la khyod nga la the tshom zos pas tshe 'dir mchog mi thob/ bar dor dngos grub thob par 'gyur ro/ /rgyal pos bla ma gzhan du mi btang snyam gtsug lag khang du bzhugs bcug pa phyir pha 'ong gi steng / gtsug lag khang gnyis kar snang ba/ sde brgyad la chos ston pa ste ngo mtshar can gyi gtam bco brgyad du grags/ bod du byon mthar shi skyid kyi jag pa dang thug pa na sku la mtshon ci btab kyang nam mkha' la brgyab pa bzhin song nas/ mi tra dzo ki sgyu ma'i sku sogs gsungs te sku mi snang bar mkha' spyod du gshegs skad do/ /phyi rabs bod la chos kyi drin che ba dpal nags kyi rin chen te/ de'i lo rgyus ni/ rgya gar shar phyogs grong khyer dam pa zhes bya ba'i rgyal po'i sras su 'khrungs/ dgung lo brgyad bzhes pa la dge 'dun 'bum phrag 'dus pa'i mkhan po sangs rgyas dbyangs kyis mkhan po/ dge 'dun khri phrag gi gnas brtan chen po su dza ta ratnas slob dpon mdzad de dge tshul bsgrubs/ mkhan slob de gnyis dang gzhan las kyang thos pa mang po mdzad/ byang chub tu thugs bskyed pa dang dbang bskur ba gsan/ dgung lo nyi shu pa la sngar gyi mkhan slob las bsnyen par rdzogs/ paNDYi ta chen por gyur te bya bral la gshegs nas singga gling du byon/ lo drug tu bzhugs/ der slob dpon chos kyi grags pa zhes pa las 'dul ba gsan/ de nas 'dzam bu'i gling du byon pa'i lam du gangs can mtsho'i sku gzigs/ lho phyogs ka lingka'i rgyal khams su phebs/ paNDYi ta mi'i nyi ma zhes bya ba 'dzam bu gling na mkhas pa gcig gzigs/ des bkur sti che bar byas/ dpal 'bras spungs mjal/ klu byang gi dgon gnas su thogs shig bzhugs/ der sha ra ba dbang phyug dang mjal/ khyod 'dod pa'i dngos grub byang phyogs su 'byung bas der song zhig gsungs lung bstan/ de nas ma ga dha ra paNDYi ta ha ri ha ra la sgra ka lA pa da lta'i 'di bas bdun 'gyur gyis che ba zhig gsan/ ka na ka shro ram zhes pa'i chu 'gram du lo gsum phyogs gsum mdzad/ u ru pa sa zhes bya ba'i lha khang du bi rU pakSha dang de'i slob ma grub thob bA gha la dang mjal/ spyan ras gzigs kyi rdo sku yod pa