[A:160a]bzung ste brgyad cu rtsa gnyis la yab yum gsum rang byon 'phags pa'i thugs kar thim/ de dus kong jo'i zhal chems la/ lha shAkya mu ne ra mo che nas gdan drongs la 'phrul snang gi blo bur du sbos la zhal zhal gyis/ logs dang steng du 'jam dbyangs kyi sku re bris shig gsungs/ de ltar byas pas rgya nag gi dmag sleb dus rig kyang 'jam dbyangs kyi sku bshig ma phod/ de nas rgyal rabs lnga pa la khri lde btsug bstan gyis lha sa'i brag dkar la sogs pa'i gtsug lag khang bzhengs/ li yul nas don pa'i dge 'dun dang rgya nag ha shang spyan drangs te mchod/ bran ka mu la ko sha sogs kyis mdo sde las brgya/ gser 'od bsgyur/ ljang tsha lha dbon la rgya'i sras mo gyim shing kong jo bslangs pas bu shi mes rang dang 'dus nas lha shAkya mu ni btsal te mchod pa byas/ de gnyis la 'jam pa'i dbyangs kyi sprul pa'i sku gcig 'khrungs mtshan khri srong lde btsan du btags/ de chung ba'i dus su rgya'i yul du sang shi la sogs pa mi bzhi chos 'tshol du btang / de dag gis rgya'i rgyal po'i drung du phyin/ de la zhus nas sgom pa'i lung 'bogs pa'i ha shang dang mjal nas legs par mnos/ ha shang de mngon shes mnga' bas sang shi la/ ston pas gdong dmar can gyi yul du dam pa'i chos dar bar byed pa'i byang chub sems dpa' lung bstan pa de khyod yin/ bod ni rgya gar gyi mkhan po zhi ba 'tsho zhes bya ba des 'dul skal yin/ de ma yin pa gang gis kyang phan mi thogs zer/ de rnams kyis rgya nas chos bam po stong tsam blangs/ ha shang zhig kyang spyan drangs te 'ongs pa bod du sleb pa'i tshe rgyal po 'das/ rgyal bu chung / blon po rnams kyi chos khrims bshig ste/ dam chos byed pa byung na spyug par byas/ lha shAkya mu ni rgya yul du skyel bar brtsams pa la/ mi sum brgyas ma theg nas bye thems su sbas/ lha sar bshas ra byas so/ /de'i tshe sna nam khri thog rje thang la 'bar zhes bya ba rgyab gas nas shi cog gru skyes bzang rgyal/ mgo byad bskams nas shi bas lha bye 'og tu bcug pas len zer nas bton/ dre'u gnyis kyis bteg nas mang yul skyi grong du bskyal/ mkhar brag dang mgrin bzang bshig go /des khong tshos chos