[A:167a]bde na ma bsnor bar sgyur cig bsnor na bde zhing go ba'i skyed cig yod na/ tshigs bcad la ni rtsa ba bzhi pa'am drug pa'ang rung ste/ tshigs su bcad pa gcig gi nang gar bde bar bsnor cing sgyur cig rkyang pa la ni don gar bsnyegs pa yan chad kyi tshig dang don gnyis ka la gar bde bar bsnor cing sgyur cig skad cig la ming du mar 'dren pa ni ltag 'og dang bstun la gar bsnyegs pa bzhin du ming thogs shig gau ta ma lta bu/ gau'i sgra las tshig dang / phyogs dang / sa dang / 'od dang / rdo rje dang / ba lang dang / mtho ris la sogs pa rnams du mar bsnyegs pa dang / kau shi ka lta bu/ rtsa ku sha thogs pa lta bu/ mkhas pa dang padma la dga' ba dang / 'ug pa dang mdzod ldan la sogs pa sgra'i lugs las drangs shing bsgyur na rnam grangs mang po zhig tu snyeg la/ bsgyur ba rnams gcig gi nang du ni rnam grangs de kun 'dur yang mi btub ste/ gcig tu chad par byar yang gtan tshigs chen po med par rnams ni mi bsgyur yang rgya gar gyis skad so na zhog cig gar yang drang du rung ba'i tshig byung na phyogs gcig tu chad par mi bsgyur bar spyir snyegs su rung bar gyis shig yul dang / sems can dang / me tog dang / rtsi shing la sogs pa'i ming bsgyur ba mi go zhing tshig mi bde ba dang / 'ol phyir bsgyur du rung yang don du de ltar yin nam min gtol med pa rnams ni 'go la yul zhes sam/ me tog ces bya ba la sogs gang bya ba ming zhig bla thabs su snon la rgya gar gyi skad so na zhog cig grangs la rgya gar gyi skad bzhin du bsgyur na/ dge slong brgya phrag phyed dang bcu gsum zhes 'byung ba la sogs pa ni/ stong nyis brgya lnga bcu zhes tha mal par bod kyi skad kyi lugs bzhin du bsgyur na don dang mi 'gal la/ bod kyi skad la'ang bde bas grangs sdom du rung ba'i rnams bod kyi skad kyi lugs bzhin du thogs shig pa ri dang / sam dang / u pa lta bu la sogs te/ tshig gi phrad dang rgyan lta bur 'byung ba rnams bsgyur na don mthun zhing 'byor pa'i thabs ni/ yongs su zhe'am/ yang dag pa zhe'am/ nye ba zhes sgra bzhin du sgyur cig don lhag par snyegs sa med pa rnams ni tshig gi lhad kyis bsnan mi dgos kyi don bzhin du thogs shig rnam grangs su