[A:175a]brtags nas blo rab 'bring dgur phye/ blo rab kyi rab tu gyur pa bdun/ de rnams kyi g.yog po bdun/ yang g.yog byed pa bdun te nyi shu rtsa gcig pha ma la rin byin nas nyos te kha cher brdzangs/ der kho rnams la gser mang po bskur nas 'di skad du bsgo'o/ /kha che'i yul na mkhas pa rin chen rdo rje zhes bya ba yod pas de spyan drongs/ rgya gar shar phyogs na dharma pA la bya ba yod pas de spyan drongs/ nub phyogs ka ru na paNDYi ta nor bu gling pa bya ba yod pas de spyan drongs shig dbus 'gyur 'chang na paNDYi ta pradznyyA ba li bya ba yod pas/ de la 'dus pa rnam gnyis bya ba'i chos mu stegs kyis kyang rtsod par mi nus pa yin/ de shes par gyis shig de nyid 'dus pa la kun dga' snying po'i 'grel pa yod zer bas/ de shes par gyis shig nor bu gling pa dang dharma pA la gnyis la las kyi sgrib pa rgyun gcod pa'i rgyud dang / de'i 'grel pa slob dpon dpyid kyis mdzad pa dang / dkyil 'khor gyi lha sum brgya bzhi bcu pa slob dpon rgyal ba'i lhas mdzad pa yod zer bas/ de shes par gyis shig dpal gsang ba 'dus pa la sangs rgyas ye shes zhabs dang / 'phags pa klu sgrub kyis mdzad pa'i dkyil chog yod zer ba dang / rin chen rdo rje la dus 'khor dang / rdo rje gdan bzhi'i rgyud 'grel yod zer bas tshol la shog gzhan bi kra ma la shI la na paNDYi ta brgya rtsa brgyad/ mkhas pa bdun cu rtsa gnyis/ 'gran zla med pa sum cu rtsa bdun/ gtsug gi nor bu lta bur bcu gcig 'dzam bu'i gling gi rgyan lta bu brgyad/ khams gsum gyi spyan lta bu gnyis yod zer bas/ de rnams las gang byung re/ rab gser la ma rtseg par spyan ci drongs kyis/ 'bring gdams pa ci thob gyis/ tha ma'ang paNDYi ta chos gang mkhas pa dang / gdam ngag gang che ba rtsad chod la lung zhus dpe longs pa gyis la shog byas te btang ngo / /khong rang mkhan slob med par bsnyen par rdzogs/ mtshan ye shes 'od/ sras gnyis kyang rab tu byung / rgyal srid gcung gi sras lha lde la gtad/ de la sras gsum/ 'od lde byang chub 'od/ zhi ba 'od do/ /byang chub 'od la thugs rtsis che/ rab tu byung du bcug go /de ltar rgya gar du brdzangs pa rnams/ dang po kha cher phyin/ bcu dgu kha che grib bstan du shi