[A:178a]bris nas bskur ro/ /de nas rgya brtson sengges bi kra ma la shI lar brtol/ jo bos kyang bod rgyal pos slob gnyer ba zhig brdzangs 'dug zer ba gsan/ gsan ma thag tu bu'i 'du shes 'khrungs/ de nas rgya brtson sengges jo bo dang mjal te gser ling pa de phul/ bod du byon par zhu ba byas pas/ jo bos bod du 'gro ba la rgyu gnyis yin te/ 'dod pas gser tshol du'am/ rang bas gzhan gces kyi byang chub sems kyis 'gro ba la/ nga la de gnyis ka med pas mi 'gro gsungs nas gser tshur gtad/ lo tsA bas chos gos kyi gsham la 'jus nas bshums pas kyang ma gnang / de'i res la lo tsA ba'i 'khor rnams phal cher tshad pas gum/ gser bsil ma de zad/ jo bos khyod bod rnams snying re rje gsung / tshur log gser ling ba rgyal po la gtad/ jo bo spyan ma 'drongs/ lo rgyus snyan du gsol bas/ lo tsA bas dka' ba dang bsdos/ lus srog thed la bor nas byon pa thugs la btags/ jo bo spyan ma drang pa'i thabs med gsung / khong la de res nag tsho lo tsA bas mngon pa nyan pa'i zhu ba phul bas/ nga slar rgya gar du log nas 'gro bas long mi 'ong gsung / 'o na nga 'ang rgya gar du 'gro zhus pas/ khyod rang gi snying khams kyis pher na 'dong gsung / dpon slob lnga drug tsam rgya gar du byon no/ /de'i dus lha bla mas gser btsal la jo bo spyan drang dgongs/ mtha' 'khob tu gser tshol ba la dmag du ma zhig dang bcas te byon pas/ gar log gis shes nas dmag btang / de dang thug 'thabs pas pham nas lha btsun rang btson la shor/ gar log gi rgyal pos brtags pas bod kyi rgyal por shes nas btson khang du bcug dar yug gi sku bsdams te 'dug go /lha bla ma 'dzin pa'i phyir gar log gi dpung song zer ba lha btsun byang chub 'od kyi mched kyis gsan nas/ byang chub 'od kyis rta pa brgya dang bcas te khu bo slog par byon pas/ gar log gi lag tu thal zin nas ldog ma thub/ dmag gtos che ba khrid nas 'thabs nas lhogs srid de mi bsad mang du 'byung bar yang snang la/ gal te nyid la bar chad byung na jo bo mi 'drongs/ khu bo'ang btson nas mi thon par 'dug dgongs te/ kho la thabs kyis bstun na legs par gzigs nas phan tshun lab sna sbrel ba dang / gar log na re khyod nang