[A:195a]la bkal nas yod bya ba byung / rta bzang po zhon nas phyin/ sos khyim du bos/ phyin tsa na ji lta bar 'dug nas/ de rta la bkal te bros pa sos bdas pas ma slebs/ jo bo 'di gtsang rong du rgya zhang khrom du 'khrungs rang gis chos sbas pa bton no/ /rgyud kyi bshad rgyun ma chad pa ni sgyu 'phrul gsang ba snying po'i skor te/ bi ma las rma rin chen mchog des rin chen gzhon nu dang gye re mchog skyong gnyis la/ de gnyis kyis dar rje dang zhang rgyal yon la bshad nas brgyud pa dang / bi ma las gnyags dznyyA na ku mA ra dang sog po dpal gyi ye shes/ de gnyis kyis gnubs sangs rgyas ye shes rin po che/ des so ye shes dbang phyug spa sgor blon chen 'phags/ dan yon tan mchog sru legs pa'i sgrol ma/ sras kyi dam pa yon tan rgya mtsho lnga la gdams pa'i chos skor thams cad tshang ba yon tan rgya mtsho/ de la sras padma dbang rgyal dang ye shes mtsho/ dang po'i sras 'jam dpal/ de'i sras lha rje ye shes gzungs/ rje mi la'i bla ma de'o/ /yon tan rgya mtsho yab sras dang so ye shes dbang phyug gsum ka'i slob ma myang sher chog des myang ye shes 'byung gnas/ de'i slob ma zur po che shAkya 'byung gnas/ 'dis dge gong gi ce shAkya mchog la bdud rtsi/ tho 'bar nam mkha' sde la mdo dang spar khab/ myang stod kyi 'bre khro chung la rdzogs chen dang lam/ 'ching phu'i rog shAkya 'byung gnas la yang dag de sogs mkhas pa mang po bsten/ sgrub pa'i rtags thon/ bshad nyan legs par mdzad/ 'bangs rtse mo bzhi lkog dang lnga/ sgom chen brgya rtsa brgyad la bshad/ de'i nang nas lta dgongs kyi rtse mor gyur pa zur chung shes rab grags/ brag rgya bo dgu 'dus kyi rtser bsgrub pa mdzad pas bde gshegs rgya bo zer/ de la slob ma ka bzhi gdung brgyad/ phyam bcu drug gral ma sum cu rtsa gnyis/ sgom chen mi gnyis/ yul po che gcig dkyus pa mi gnyis/ sta gur mi gnyis/ go chod mi gsum la sogs du ma byung bas/ so zur gnubs gsum sngags pa'i rgyal po yin zer ba 'di byung / ding sang gi bar du dar ro/ /man ngag rdzogs pa chen por grags pa la/ sems sde/ klong sde/ man ngag gi sde gsum/ sems sde ni lnga bai ro tsa na dang / bcu bi ma la nas/ klong sde bai ro tsa na/ man ngag gi sde ni snying thig ces grags shing / bi ma la las byung / de'i slob ma myang