[A:196a]ting 'dzin bzang po las brgyud de bod khams su dar ro/ /de las rma rin chen mchog gnyags dznyyA na ku mA ra/ gnubs sangs rgyas ye shes gsum las bka' ma shas cher byung bas/ 'gos kyis rnying ma khong gsum gyi brtsams chos yin zer ba 'di byung ba yin/ de la bod rnams rnying ma yang dag pa min zer ba la sngags ma dag zer te/ rgya skad oM la ring po med ces zer nas oM la 'a btags pa la skyon 'dogs te/ rgya skad oM rang ring po yin pas ring po med smra ba rang 'khrul/ de ring por shes par bya ba la 'a btags pas skyon ci'ang med/ rgya skad sor bzhag na auM sogs zhugs pa la sna ru nyis brtsegs las mi 'byung rgyu la/ de bod du klog pa la go'u ta ma'am/ ko'u shi ka sogs sngon gyi lo tsA ba mkhas pa dag gis bkod pa lta bu/ yang ma mo'i rgyud du nyid zhi mu khal zhes gsungs/ de la rgya min bod min zer skyon gtong ste/ sngags thams cad legs sbyar gyi skad min/ sha za dang zur chag rang bzhin skad kyang yod pa la ci'ang ma bsams par smras pa'i skyon yin/ dper na bal po'i longs sku sing zer ba lta bu dang khyad ci yod/ de'i longs sku de bod skad ni min/ ghu ru/ dha ki sogs kyang u rgyan 'gro lding ba'i skad la de ltar yod cing / dzo gi skad gyong po dag kyang mngon sum sgrog dper na bod skad gcig la khams pas smras na gyong ba lta bu yin/ lo tsA gsum pos byas pa'i shes byed yod na des chog sangs rgyas dang mnyam pa'i rig 'dzin yin/ lar rnying ma'i rgyud rnams rig 'dzin rnams kyis 'khrugs bsdebs/ gab pa phyung bas kha gsal/ gsar ma'i rnams lung de khar bzhag pas kha dam pa yin/ rgyud rnam dag yin min don ci ston brjod dgos/ de nas bskyed rdzogs sangs rgya ba'i lam ston pa la khyad med pas cal brgyugs kyi rjes su mi 'brang 'tshal lo/ /gter snga shos gra pa dang rags sha phyis mnga' bdag myang nyi ma 'od zer/ chos dbang sogs mang po zhig gis bton/ rnam par dpyad na ngo mtshar ba kho na bas/ gter nas chos tshad ma ma don smra ba'ang rigs pa ma yin no// // ! lo chen rin chen bzang pos yo ga rtsal du bton/ zangs dkar lo tsA ba dang shes rab bla mas kyang legs par bshad/ dang po gnyis kyi lugs rgyun phyis bu ston gyis gsal bar mdzad/ bya spyod rgyud re tsam 'chad pa dang /