[A:197a]sgrub thabs kyi yi ge shin tu mang ngo / /gzhan lo chen gyis gsang 'dus bde mchog sogs gsang sngags mang du bstan/ nag tshos kyang jo bo dang kha che A kA ra siddhi sogs la gsan/ gsang 'dus sogs bsgyur cing bshad/ rnal 'byor ma'i rgyud la ni ru gnon du brtsigs pa'i g.yas ru gtsang 'phrang ru lag na grom pa rgyang zhes grags pa de sogs smad kyi btsan po sde gsum gyis bdag mdzad nas yod cing / lha rtser mched gsum bka' bgros te/ 'o cag la bla'i mchod gnas shig dgos par 'dug zer nas/ lo tshong gnyis la zhus pas/ rgya shAkya gzhon nu dang / so ye shes brtson 'grus gnyis byon/ grom pa rgyang du rgyas mkhan po/ sos slob dpon byas rab tu byung ba mang po bsgrubs/ de'i tshe mkhan slob gnyis la mkhan bu mang du byung ba bsags nas/ rgya gar du chos slob tu gser bskur nas rdzong bzhed pa la dris pas khas len ma byung / mkhan slob rang gis 'brog mi shAkya ye shes dang / stag lo gzhon nu tshul khrims gnyis sdug sran che/ dpyad pa che bar dgongs nas 'gro dgos gsungs/ de gnyis kyis khas blangs/ 'brog mis de tsa nas rang 'phral skad legs par mkhyen pa yin/ de gnyis la mkhan slob kyis gser mang po bskur/ zhal bkod gsum mdzad de/ bstan pa'i rtsa ba yin pas 'dul ba/ bstan pa'i snying po yin pas phar phyin/ bstan pa'i nying khu yin pas gsang sngags slobs gsungs brdzangs/ de gnyis kyis bal por lo gcig bzhugs/ bal po zhi ba bzang po bya ba'i paNDYi ta la btugs/ sgra bslabs dbang bskur dang rgyud sde mang du gsan/ bdag cag rgya gar du 'gro bas/ rgya gar du mkhas pa du yod/ ji ltar byas na 'thad zhus pas/ spyir rgya gar na o tantra pu ri'i gtsug lag khang sogs mang bar yod kyang / da lta bi kra ma la shI la'i gtsug lag khang na bstan pa dar/ de na mkhas pa sgo drug bya ba yod/ de'i nang nas shar sgo srung ba'i mkhas pa chen po shAnti pa snyigs dus kyi thams cad mkhyen pa yin/ de nga'i bla ma yin pas der song gsung ba bzhin shAnti pa'i drung du lo brgyad bzhugs/ mkhan slob gsung ba bzhin 'dul ba/ phar phyin/ dgyes rdor rgyud gsum/ bde mchog sogs sngags mang du gsan/ nA ro pa sogs sgo drug gzhan rnams la chos 'brel zhus/ dus 'khor ba dang a mo gha badzwa gnyis la sngags mang du gsan/ de nas bod