[A:༥༢]པོ་ཞེས་བྱ་བ་ལས། གཡུལ་བརྟན་འོག་ཏུ་ཉིས་སྟོང་ལོ། །དགའ་བྱེད་འོག་ཏུ་བརྒྱད་བརྒྱ་སྟེ། །ཟླ་སྲུང་ཉིས་བརྒྱ་སུམ་ཅུ་གཅིག །བརྗེད་མང་བདུན་བརྒྱ་ཉི་ཤུ་བཞི། །བལ་གནས་བརྒྱད་བརྒྱ་བཅུ་རྩ་བཞི། །གོ་ཆ་ཉིས་བརྒྱ་བཞི་བཅུ་གཉིས། །ཞེས་འབྱུང་ངོ༌། །དེ་ལ་བརྟེན་ཏེ་བརྩིས་ན་ཡུལ་དབུས་
སྒྲ་ངན་གྱི་བུ་བརྒྱའི་གཅེན་འཐབ་དཀའ་ཞེས་བྱ་བ་བྱུང་ཟེར་
ཀྱི་རྒྱལ་པོ་ཡུལ་འཁོར་སྐྱོང་གི་བུ་བརྒྱའི་གཅེན་སྒྲ་ངན་གྱི་བུ་ཞེས་བྱ་བ་བྱུང་བ་ནས་རྩོད་པའི་དུས་ཀྱི་མགོ་ཟུག་སྟེ། དེའི་དགྲ་ཟླ་རྒྱལ་པོ་སྐྱབས་བསེང་གི་བུ་ལྔའི་གཅེན་གཡུལ་ངོར་བརྟན་པ་ཞེས་བྱ་བས་ལོ་བཅོས་ནས་ལོ་ཉིས་སྟོང་དུ་ཉེ་བའི་ཚེ་དེ་བཞིན་གཤེགས་པ་ཤཱཀྱ་ཐུབ་པ་བྱོན་ནོ། །འདི་ལ་འགའ་ཞིག་དེ་བཞིན་གཤེགས་པ་རྒྱ་ནག་གི་ལུགས་ཀྱི་བྱི་བའི་ལོ་ཡིན་ལ། དགུང་ལོ་བརྒྱད་ཅུ་གྱ་གཉིས་བཞེས་ནས་བྱའི་ལོ་ལ་འདས་ཞེས་ཟེར་བ་ནི་མ་དག་པ་ཡིན་ནོ། །འོ་ན་ཇི་ལྟར་ཡིན་ཞེ་ན་དཔལ་དུས་ཀྱི་འཁོར་ལོའི་མིང་གིས་བཏགས་ན་རབ་ཏུ་སྐྱེ་བ་ལ་ལྷུམས་སུ་ཞུགས་ནས་འབྱོར་པ་ལ་བལྟམས་སོ། །རྒྱ་དང་བོད་ཀྱི་ལོའི་མིང་གིས་བཏགས་ན་མེ་མོ་ཡོས་ལ་ལྷུམས་སུ་ཞུགས་ནས་ས་ཕོ་འབྲུག་ལ་བལྟམས་སོ། །ཆུ་ཕོ་སྟག་ལ་མངོན་པར་རྫོགས་པར་སངས་རྒྱས་ནས་མེ་མོ་ཕག་གི་ལོ་རྫོགས་ནས། ས་ཕོ་བྱི་བའི་མགོ་བརྩམས་པའི་མཚམས་ལ་ཡོངས་སུ་མྱ་ངན་ལས་འདས་སོ། །དེ་ནས་ས་ཕོ་བྱི་བ་ནས་བརྩམས་ཏེ། བརྒྱ་སུམ་ཅུ་སོ་བདུན་ན་རྒྱལ་པོ་དགའ་བྱེད་བྱུང་ངོ་ཞེས་རྟོག་གེ་འབར་བ་ལས་འབྱུང་ངོ༌། །རྒྱལ་པོ་དེས་ལོ་བཅོས་ནས་ལོ་བརྒྱད་བརྒྱ་ན་རྒྱལ་པོ་ཟླ་སྲུང་བྱུང་ངོ༌། །དེས་ལོ་བཅོས་ནས་ཉིས་བརྒྱ་སུམ་ཅུ་སོ་གཅིག་ན་རྒྱལ་པོ་བརྗེད་མང་བྱུང་ངོ༌། །དེས་ལོ་བཅོས་ནས་བདུན་བརྒྱ་ཉི་ཤུ་རྩ་བཞི་ལོན་པ་ནས་འཕྲོ་བཟུང་སྟེ་བརྒྱད་བརྒྱ་བཅུ་བཞི་ལོན་པ་ན་བལ་པོར་རྒྱལ་པོ་འོད་ཟེར་གོ་ཆ་བྱུང་ངོ༌། །དེས་ལོ་བཅོས་ནས་ཉིས་བརྒྱ་བཞི་བཅུ་རྩ་གཉིས་ན་བོད་ཀྱི་རྒྱལ་པོ་ཁྲི་གཙུག་