/ ba ri lo tsA ba rin chen grags pa/ mchims brtson 'grus seng ge mchims don ne/ mchims chos seng / mchims blo gros brtan pa/ mchims nam mkha' grags/ slob dpon dar ma rgyal mtshan/ byang chen pa bsod nams 'phel/ lo tsA ba mchog ldan legs pa'i blo gros/ bla ma dpal ldan seng ge thams cad mkhyen pa bu ston rin po che/ mkhan chen grags pa gzhon nu/ rin po che grags pa rgyal mtshan/ rje btsun dam pa ye shes rgya mtsho/ des bdag la dgyes bzhin du gnang ba'o/ /de ltar de dag rnams kyi bka' ma tshang ba med par thob nas/ rdor dbyings nas 'di'i bar gyi dkyil chog bu ston rin po ches mdzad pa rnams kyi lung yang tshang bar thob bo/ ! /yang / dam pa de'i drung du/ yo ga'i chos 'byung gru rdzings kyi lung dang / yog trika yid bzhin nor bu'i lung bshad rgyas par thob cing / chos rje nyid kyi mdzad pa'i de kho na nyid bcu'i snying po gsal bar byed pa legs par bshad pa'i sgron me zhes bya ba'i steng nas bshad pa spyis phyin par gnang zhing / mdor na rnal 'byor rgyud 'di skor gyi phyag khrid/ gar dbyangs/ thig la sogs pa ma tshang ba med par gnang bas/ chos 'di pa la mkhas pa bdag cag gyur pa nyid do/ ! /rgyal po chen po rnam thos sras kyi rjes gnang / bu ston rin po ches mdzad pa'i yi ge'i steng nas/ zhi drag gnyis phyag len ji lta ba bzhin du thob pa'i brgyud pa ni/ sangs rgyas rdo rje 'chang chen po/ phyag na rdo rje/ spyod mdzad chos kyi rdo rje/ dpal ldan kun tu bzang po/ slob dpon 'gro bzangs snying po/ paNDi ta rin chen rdo rje/ kha che dgon pa ba/ bla ma zangs dkar lo tsA ba/ g.yor po jo ston/ spur ston bsod nams seng ge 'byid bu ba padma bkra