[A:38]med/ pu hrangs bsod nams rin chen/ sgom chen smon lam 'bar/ gung ston/ khyung shag dar/ se ston legs pa/ se ston rgyal ba/ mkhan chen seng ge dpal ba/ pha chos kyi rje/ des bdag la'o/ /yang / pu hrangs pa la 'bar ba mgon/ dmar ston rin rgyal/ slob dpon zhang ston/ bla ma g.ye pa/ slob dpon 'gar/ se ston legs pa man sngar bzhin no//
! //yang / yang dag par rdzogs pa'i sangs rgyas dge byed kyi lo/ sa ga'i zla ba nya gang ba'i tshe mngon par rdzogs pa'i byang chub brnyes nas/ zla ba bcu gnyis pa la dpal ldan 'bras spungs kyi mchod rten gyi nang gi steng du/ dpal ldan rgyu skar gyi dkyil 'khor spros te/ rdo rje seng ge'i khri la dpal dus kyi 'khor lo'i ting nge 'dzin la bzhugs shing / 'khor mang po smin cing grol bar mdzad nas/ sprul pa'i rgyal po zla ba bzang pos bsdus te shambha lar shAkya'i rigs kyi rgyal po rnams dang / rigs ldan gyi rgyal po bcu bdun 'das shing / bco brgyad pa seng ges chos bstan nas lo sum cu zla ba gcig zhag dgu 'das pa anggi ra'i lo/ chu'i zla ba'i dkar phyogs rdzogs pa gnyis pa'i tshes/
gza'
nyi ma/ skar ma
lag sbyor ba
tshe ldan/ byed pa
ti ti lam rnams 'dzom pa'i tshe/ gong dkar rgyal byed tshal rdo rje dkyil 'khor gyi gzhal med khang chen por/ dpal dam pa dang po'i sku gsung thugs yongs su rdzogs pa'i rdul tshon gyi dkyil 'khor bzhengs te/ rdo rje slob dpon chos kyi rje nyid dkyil 'khor gyi gtso bo dang tha mi dad pas/ mdo dang rig pa 'dzin pa'i bshes gnyen mang po dkyil 'khor der bcug nas/ byis pa 'jug pa'i dbang bdun/ dbang gong ma bzhi/ gong ma'i yang gong ma bdag po chen po'i dbang dang bcas pa yongs su rdzogs par snang ngo / /
de'i rgyud pa'i rim pa la/ rwa pa'i lugs