[A:10]mutstsha la sogs pa'i chos kyi bka' drin dpag tu med pa nos par mdzad/ de nas dgung lo so brgyad pa'i tshe/ rje de nyid la brtag gnyis kyi bshad pa/ sbyor ba yan lag drug pa'i man ngag kyang rgya bod kyi lugs thams cad tshang bar gsan/ dgung lo so dgu pa me pho rta'i lo rje btsun ngor pa chen po'i bar chad kyi mtshan ma bsal ba'i ched du sku mtshams dam pa la bzhugs/ sku mtshams grol khar rje nyid dang mnga' ris pa kun 'od gnyis la sku mdun du shog gsungs/ byon pas spyir thugs dam gyi gzigs snang dang bar chad sel tshul mang du gsungs/ khyad par mdang sang mtshams byas pa legs 'dug /de ma byas na skyon du 'gro bar 'dug /skyon du song na'ang gzhan sems kyi 'khri ba med/ bya spyod gnyis kyi bstan pa 'di 'dod pa bzhin gso thub pa zhig ma byung ba dang / khyed dpon slob dkon mchog rgyal mtshan la gsung ngag rin po che lam 'bras kyi gdams pa rnams ma 'phrod pas sems 'phreng bar 'dug gsungs/ rje 'di'i dgongs pa la bdag la de tsam gyi khur gnang byung tsa na lam 'bras shig zhu/ gzhan mi 'ong kyang dge sbyor gyi gtso bo de la byed dgos par 'dug dgongs pa byung / de rjes skabs gcig tu bdag mus su phyin nas 'khor lo bde mchog gi dge sbyor zhig byed pa lags zhus pas/ da dung re zhig sdod/ nged la gsung ngag lam 'bras kyi gdams pa rnams yod pas de nyon cig gsung pa la/ lam 'bras zhu ba la 'bul ba chen po dang dka' spyad mang po dgos pa'i lo rgyus 'dug pas/ bdag la de lta bu'i nus pa med zhus pas/ chos rje'i zhal nas/ sngon gyi dus na bstan pa yar gso ba'i dus su