[A:11]song bas gdul bya rnams kyang chos la don gnyer dang dka' spyad nus shing / longs spyod gtong phod che bas gdul bya'i rgyud la rten 'brel khyad par can bsgrig pa'i ched du bla chen 'brog mi sogs bla ma gong ma rnams kyis longs spyod mang po 'bul bzhes mdzad pa yin/ deng sang bstan pa'i babs dang bstun pas gsung ngag la sogs pa'i bka' chad la khad du nye bas gdul bya snod ldan byung na/ chos brdal gtod lta bu byas nas kyang bstan pa'i rgyun la phan du re byed dgos pa'i dus su song 'dug ces gsungs te/ 'di ni gsung ngag rin po che la sogs pa'i bka' srol rnams bzung nas gdams pa chu bo'i rgyun ltar 'phel bar mdzad pa'i rten 'brel khyad par can gzigs par snang ngo / /de nas zhal ta'i lugs bzhin bzhugs te/ rta lo'i dbyar gsung ngag rin po che lam 'bras bu dang bcas pa'i gdams pa yongs su rdzogs pa gsan/ thugs nyams su bzhes te thad ka'i rtags rnams so so nas ji ltar bshad pa bzhin thugs la 'khrungs la/ 'di nas bzung ste dgung lo re brgyad bzhes kyi bar mus su thugs dam la bzhugs pa'i bar cung zad ma gtogs/ rje btsun ngor pa chen po'i zhabs kyi padmo rtag tu ngu dang chos 'phags lta bur 'bral ba med par bsten nas gsung ngag rin po che'i nyams khrid yongs su rdzogs pa lan gsum gyi bar du cha lag dang bcas pa bum pa gang 'byo'i tshul du gsan te/ de'ang rnal 'byor dbang phyug birWa pas grub chen nag po pa la rjes su gdams te zhang dgon pa ba las brgyud pa ring brgyud du grags pa'i glegs bam gyi dkar chag tu theb pa tshad ma bzhi'i sgo nas ston