[A:12]pa ma lus pa dang / rje btsun sa skya pa chen pos rnal 'byor dbang phyug las dngos su gsan pa zab chos rnam pa bzhi la sogs pa'i nye brgyud dang / rje sa chen gyis bla ma rje btsun rin po che la dngos su gnang ba'i gdams pa brda'i sgo nas gsung ngag rin po che'i don mtha' dag ma lus par bsdus te ston pa brda don gsal bar grags pa ste shin tu nye brgyud dang / de la sogs te gsung ngag rin po che dang rjes su 'brel ba'i dbang / khrid/ lung / byin rlabs/ man ngag phra mo'i skor thams cad lhag ma ma lus par gsan/ lam bsdus te sgrub pa'i lung sbyin pa mdzad pa'i skabs su/ rje btsun ngor pa'i zhal nas/ nged kyi rmi lam du bla ma gong ma rnams kyis dbang gi chu bo yin zer ba'i chu mig cig 'dug pa'i nye 'khor na khyed sogs nged rang gi grwa pa mang po 'dug pa la/ chu mig de la khyed kyis chos gos bkab nas 'di ni bdag gi'o/ /zhes bdag tu bzung ba rmi bas/ nged rang gi dbang gi chu bo'i bka' babs khyed la 'ong ba yin tshod du 'dug gsungs pa dang / da gi lung sbyin pa'i bar la gzhan mtshan ltas ma byung / rje 'gos la slob ma rgyud kyi ka chen tshugs pa brgyad/ man ngag gi gdung chen theg pa'i slob ma bzhi/ las tshogs dang phrin las la mkhas pa lcam dang dral ma gshibs pa tsam byung zhes pa'i rnam pa yid la gsal ba zhig rang byung gsungs te/ rje 'di nyid la'ang slob ma'i mchog 'di tsam 'byung zhes pa'i lung bstan don gyis gnang ba yin no/ /de ltar gzhir gnas kyi rten dkyil 'khor bzhi la smin byed bum pa la sogs pa'i dbang bzhi bskur te sku bzhi'i rten 'brel phyin ci ma