[A:14]gsum spyi dbang / gzungs grwa lnga la sogs pa bya rgyud kyi dbang du ma dang / de dag dang rjes su 'brel bar bya ba spyi'i rgyud chen bzhi dang / so so'i rgyud rnams kyi don phyogs gcig tu ston pa bya rgyud spyi'i rnam par gzhag pa gsan/ spyod rgyud la a ra pa tsa na lha lnga/ mi 'khrugs pa lha dgu sogs kyi dbang rnams dang / spyod rgyud kyi rnam gzhag phyogs gcig tu bsdus pa spyod rgyud spyi'i rnam par gzhag pa dang / yo ga la rdor dbyings/ 'jam dpal gsang ldan/ sbyong rgyud dkyil 'khor bcu gnyis sogs rnal 'byor rgyud kyi dbang du ma dang / paNDi ta dharmA pha la nas brgyud pa'i ngan song sbyong rgyud kyi man ngag gi bshad pa sogs mang du gsan/ rnal 'byor bla na med pa'i thabs kyi rgyud la gshed dmar/ dgra gdong 'jigs gsum/ gsang ba 'dus pa rigs gsum la sogs pa'i dbang du ma dang / de dag dang 'brel bar gsang 'dus rtsa rgyud/ 'grel chen sgron ma gsal ba dang bcas pa'i bshad pa dang / nA ro pa nas brgyud pa'i rtog bdun gyi man ngag bshad pa rnams dang / pha rgyud kyi bskyed rdzogs kyi man ngag rnams yongs su rdzogs par gsan/ shes rab kyi rgyud la/ gur rigs bsdus/ sampu Ta/ rdor dbyings/ ma hA mA yA/ bde mchog lU nag dril gsum/ rdo rje mkha' 'gro ma la sogs te dbang rab tu mang po dang / de rnams dang 'brel bar rnal 'byor dbang phyug dang Dombi pa nas brgyud pa'i kye rdor rgyud gsum gyi bshad pa bla ma gong ma'i chos sna bcu gsum dang bcas pa dang / nA ro pa nas brgyud pa'i bde mchog rtsa ba'i rgyud dang / rnal 'byor ma kun