[A:15]spyod kyi bshad pa dang / mar pa nas brgyud pa'i ma hA mA yA'i bshad pa/ de rnams kyi bskyed rdzogs kyi man ngag dang bcas pa yongs su rdzogs par gsan te thos bsam gyi mthar phyin par mdzad nas/ bka' srol gang gi lugs yin pa dang / bka' srol de'i 'chad tshul ji ltar yin pa dang / bshad tshul des bshad pa'i lam gyi srol ji ltar thon pa'i tshul rnams 'khrul pa'i dri ma zad cing sgro 'dogs chod par mdzad pa kho na'o/ /mdor na mang du smos ci dgos te/ dam pa 'di nyid kyis 'dren mchog bzang po'i zhabs la sogs pa yongs 'dzin bcu phrag gsum lhag pa yongs su mnyes par mdzad nas bsten te sde snod gsum dang rgyud sde bzhi'i phyogs la brten pa'i gsung rab phal mo che gsan par mdzad pa zhig ste/ rgyas par gsan yig tu blta bar bya'o/ /gnyis pa la thun mong dang / thun mong ma yin pa gnyis kyi/ dang po ni/ rje btsun dam pa 'di nyid sdom pa gsum gyi phyogs la nyes ltung gi dri ma phra zhing phra bas kyang ma gos pa yin te/ de'ang 'dul ba'i kun spyod sde gsum la rab tu byung ba nas brtsams te zhi bar ma gshegs kyi bar la 'dul ba las gsungs pa'i chos dang mthun pa'i spyod pa 'ba' zhig gis dus 'da' zhing / dge sbyong du byed pa'i chos bzhi dang ma bral ba dang / gdams ngag bcu gcig tu gsungs pa'i bslab bya gang yang mi mthun pa med par spyod pas so/ /byang chub sems dpa'i yang sems bskyed kyi sdom pa blangs phyin byang chub sems dpa'i kun spyod tshul khrims gsum gyi nyams len dang mi 'bral zhing / byang chub sems gnyis