[A:16]kyi rtogs pa mthar phyin te/ blo sbyong thugs nyams su bzhes pa'i skabs mdze pho zhig gzigs pa la snying rje tshad med pa skyes te gtong len gyi dmigs pa mdzad pas de nyid kyi sdug bsngal rnams rje nyid la smin par gnang ba la bdag gces 'dzin gtan med par dga' spro chen po dang / kun rdzob sems bskyed kyi sgo nas bdag 'dzin 'joms pa'i thabs mchog tu gyur pa 'di kho nar 'dug dgongs pa byung / yang lho rtsa sman lung du bla ma chos grags pa dang / bzang skyong ba dang / rje 'di dang bcas pa bzhugs dus nyin gcig chu nang du nya mang po 'dug pa gzigs pas snying rje dpag tu med pa thugs la 'khrungs/ 'di rnams kyi don du myur du sangs rgyas pa zhig byed dgos dgongs pa'i smon lam khyad par can skyes/ de'i nub mo bzang skyong ba de gsal snang can yin pas khong gi nyams la rje 'di spyan ras gzigs phyag bzhi par gyur pa la thugs rje chen po mang pos phyag mdzad pa dang 'dud pa'i rnam pa mthong zhing / de ltar nang du byams pa dang thugs rje tshad med pa mnga' ba'i mthus bya ri dwags la sogs pa rnams bus ma rnyed pa ltar btud nas chos nyan pa dang / srin po gdong du blo sbyong gi thugs dam mdzad cing cha ther gyi nang du bzhugs tsa na/ mtshan mo brag zhig ste ther 'gyel zhing mtha' skor thams cad brag gi dum bus khengs kyang sku la gnod par ma nus pa dang / las dag pa'i gdul bya 'ga' zhig gis 'phags pa spyan ras gzigs dbang phyug dngos su mthong zhing / dngul chur blo sbyong gsan nas don dam byang chub kyi sems bsgom pa'i tshe snang ba'i dngos po dngul chu bzhin du tshugs mi thub