[A:17]par rnam par g.yo zhing / brtsig pa dang ri la sogs pa la thogs med du 'jug nus pa'i nyams myong rgyud la skye bar mdzad de/ pha rol tu phyin pa nas ji skad bshad pa'i mtshan nyid can gyi byang chub sems dpa' chen por gyur pa yin no/ /gsang sngags rdo rje theg pa la'ang sngags kyi sgor zhugs par mdzad pa nas brtsams te/ sngags kyi kun spyod dam tshig chen po bzhi la bsrung ba'i dam tshig rtsa ba dang yan lag gi ltung ba'i nyes pas ma gos shing / bza' ba'i dam tshig dus khyad par can dang / rgyun du bsten pa'i dam rdzas kyang rgyud sde nas ji skad bshad pa bzhin dang / mi 'bral ba'i dam tshig rnams kyang tshul bzhin du bsten par mdzad cing / gtso bor sgrub pa'i dam tshig bskyed rdzogs gnyis kyi nyams len rnal 'byor gyi yan lag dang bcas pas nyin mtshan khor yug tu thugs dam gyis dus 'da' bar mdzad pas/ rgyud sde rin po che las gsungs pa ltar gyi rdo rje slob dpon gyi mtshan nyid thams cad bla ma dam pa 'di la mnga' bas gsang sngags rdo rje theg pa'i slob dpon chen por gyur pa yin no/ /gnyis pa ni/ de ltar sdom pa gsum dang 'gal ba'i nyes pa phra zhing phra bas kyang ma gos shing / byams pa dang thugs rjes rgyud brlan la/ dad pa dang sgrub pa'i sgo nas bla ma rnams mnyes pa dang / gsang sngags kyi thabs lam zab mo la nan tan du mdzad de/ nang du rten 'brel thams cad 'grigs par mdzad pas bla ma dang yi dam gyi lha'i zhal gzigs pa dang / chos thams cad la mnga' brnyes shing mngon par shes pa sogs la thogs pa mi mnga' ba yin