[A:18]no/ /de'ang rdzi lung du thugs dam mdzad pa'i tshe/ 'phags pa spyan ras gzigs dbang phyug phyag bzhi pa nyin zhag du ma'i bar du mngon sum du gzigs pa dang / bsam gtan phug tu lam 'bras kyi thugs dam gtso bor mdzad pa'i tshe/ snga dro zhig 'ja' 'od rnam lnga 'khyil ba'i dbus su rnal 'byor dbang phyug rje btsun sa skya pa chen po bzhugs pa dngos su gzigs te/ khyed kyi sngon dbang bskur thob pa'i dkyil 'khor 'di yin gsungs nas gsang 'dus 'jam rdor gyi dkyil 'khor yin snyam pa zhig bstan/ byin gyis brlabs te de'i dus su ting nge 'dzin gyi sgo bsam gyi mi khyab pa thugs rgyud la 'khrungs par/ skabs gcig tu du ta'i su tu rnam rgyal grags pa dang / mnga' ris pa nam mkha' yon tan sogs kyis cha rkyen mang du bsgrubs nas zhu ba nan gyis phul ba dang / ma 'ongs pa'i sgrub pa po rnams la phan gdags par bzhed nas bla ma gong ma rnams kyi bdud rtsi ril bu'i bta' ma bzang po dang bcas nas bsam gtan phug tu bdud rtsi ril bu'i sgrub pa mdzad pas mthar phyin te sa phyogs thams cad dri bsung khyad par can gyis khyab pa dang / me tog gi char chen po bab cing / sa gzhi thams cad gser chos kyis gang ba la rab gnas byas pa rmi bas ltas bzang po'i zhes gsungs pa dang / khyad par de nyid kyi tshe/ rnal 'byor gyi dbang phyug dpal ldan birWa pa sku 'od zer gzi brjid 'bar ba'i bdag nyid gzigs te rgyud byin gyis brlabs par mdzad cing / bla ma nam mkha' dpal bzang la sku mdun du mjal ba'i tshe na ning nas rje sa chen dang mjal ba la dpe med du byed na/ da ni rnal 'byor dbang