[A:19]phyug dang yang mjal du yod gsung pa dang / gzhan yang mnal lam du'ang dag pa'i snang ba 'ga' zhig byung ste e waM chos ldan du bzhugs pa'i nub gcig gling skya'i rgyab ri de nas rje btsun ga ya dha ra'i bum chu yin zer ba chu chen po skya 'khyil ba zhig rdol byung bas de ma thag tu chos gos kyis gshog pa mdzad nas gling skya'i brag la 'phur ba rmi gsung ba dang / yang bde mchog gi bsnyen pa mdzad pa'i tshe/ ri ngos chen po gcig bde mchog gi rdul tshon gyi dkyil 'khor chen po gcig gis kheb par mnal lam du byung ba dang / ya ma ting grol du ri khrod mdzad pa'i tshe/ mnal lam du bud med smug tshon ma zhig gis ston pa'i gser sku gcig gtad nas sa skya paNDi ta'i bstan pa 'di nyams 'dug pas da khyed kyis 'bad pa chen po gyis la slongs shig zer ba dang / yang nub gcig bud med mkha' 'gro ma'i rnam pa can zhig byung nas/ da sa skya paNDi ta'i grwa pa mang po med/ gang yod pa rnams kyi mgo 'don khyed kyis byed dgos zer ba rmi gsung / yang thengs cig grub chen brag phug pa'i yin zer spos reng 'jog pa'i sgam snum ya le ba zhig dang / me tog phon mang po la gzhan las che ba 'ga' zhig dang bcas pa rmis te/ me tog rnams grwa pa'i tshogs dang / de las che ba rnams kyis chos gsan pa la blta ba 'dra gsung / yang re zhig gi tshe gling skya'i zur la yar mi bdun khur nas byon/ ri mgor pheb ba dang ngal zhig bsos pa rmis te/ rje btsun chen po nas mi bdun srid pa'i chu bo las bsgral ba dang 'dra bar 'dug gsungs/ yang nub gcig gling skya dang bla mig gi bar du srid pa gsum gyi chu bo yin