[A:21]bcas te grwa pa'i tshogs shin tu mang ba'i dbus su chos dpag tu med pa yun ring por gsung ba'i snang ba byung gsungs te/ de lta bu ni rje gong ma'i sku tshab tu bzhugs nas gzhan don dpag tu med pa 'ong ba'i ltas su snang zhing / gzhan yang bla ma dam pa 'di ni snang ba bden med du rtogs pa'i rtogs pa khyad par can thugs la mnga' ba'i phyir nyan po dgon par rdo la phyag rjes bzhag pa da lta'ang gsal por yod pa dang / zang zing gi dngos po rnams la 'dzin pa mi mnga' ste/ yon bdag grwa slob kun gyis dngos po phyag tu phul ba rnams bde bar gshegs pa'i sku gsung thugs kyi rten bzhengs pa dang / dge 'dun gyi sde 'dzugs pa dang / dgon sde rnams su mchod rdzas kyi rgyu dang / gang dang gang du pheb pa'i gnas rnams su dge 'dun gyi tshogs la mang ja/ 'gyed la sogs pa dang / gzhan yang chos kyi byed las dag dang / mgon med pa la sbyin par gnang ba ma gtogs zhen ltos cung zad kyang mi mnga' la/ de la sogs te dge ba gang mdzad kyang gzhan don kho nar bsngo ba ste/ rje'i zhal nas/ khong rnams kyis nga'i rim gro la dmigs pa'i 'gyed dang mang ja sogs gang byas kyang / ngas ni de kun gzhan don du rdzogs pa'i sangs rgyas kyi rgyur bsngos zhes gsungs pa nyid kyis shes so/ /mdor na snang grag rig gsum thams cad lha sngags ye shes su shar ba'i grub pa'i dbang phyug rtsod pa dang bral ba yin zhing / gzhan yang mngon par shes pa thogs med du mnga' ste/ gzhon nu'i dus su mngon par shes pa mang du mdzad pa dang / dge bshes seng ge grags mdo khams kyi rnam rtog mang du rgyus pa/ rje 'dis mkhyen