[A:22]nas khyed rnam rtog de 'dra ma rgyus/ dge sbyor la gnod ces kho rang la gsungs pa dang / bla ma chos grags dbon pos ngan rtog rgyus pa dang / spyod pa snga rting du ci byas mngon par shes pas mkhyen nas khong rang la gsungs pa dang / yang ngor nas yar pheb dus shig mus nas chibs pa 'ong rgyu yin pa la/ rje'i zhal nas/ nged rang gi rta shi 'dug /'on kyang po so stag la'i rta zhon pas chog pa 'dug gsung / de rjes mus nas mi byung bas nged rang gi chibs pa shi zer/ ngor nas chibs pa bo dong bar bskyal/ der dol pa'i po so stag la'i tsha 'o shi nas bo dong na cho ga byed kyin 'dug /der po sos rta bzang po gcig phul ba la chibs pa mdzad de yar pheb cing / de la sogs pa mngon mkhyen dpag tu med pa gsungs pa dang / bar do'i 'gro ba thams cad kyang thogs med du gzigs/ grwa pa dang sbyin bdag dad pa can so so rang rang gi 'dod mos kyi brtag pa sogs zhus pa kun la ji ltar lung bstan pa thog tu 'bab cing / yul phyogs su nad rims drag po byung ba kun la 'chags dang na bza'i byin rlabs kyi 'og nas drangs pa tsam gyis mi mthun pa'i phyogs thams cad las grol bar nus pa dang / lo thog la than pa cher byung ba la'ang char 'bebs pa'i 'dun pa mdzad pa tsam gyis char gang 'dod 'babs pa la sogs pa byin rlabs kyi rnam 'phrul bsam gyis mi khyab pa mnga' ba ni skye bo phal cher la gsal ba yin no/ /gsum pa ni/ dam pa 'di nyid thog ma med pa'i dus nas gzhan don gyi go cha bgos pa'i stobs kyis bstan pa dang sems can gyi don 'ba' zhig mdzad pa/ de'ang gdul bya'i bsam pa dang mthun par 'khrid tshul sna