[A:23]tshogs pas 'khrid par mdzad mod/ 'on kyang gtso bo'i dbang du byas na gdul bya rnams gzhi tshul khrims rnam par dag pa la bkod nas lam nyams len la sbyor bar mdzad pa yin la/ de la so thar gyi dbang du byas na bsnyen par rdzogs pa'i dge slong stong phrag du ma'i mkhan po mdzad cing / gzhan dge bsnyen dang dge tshul grangs mtha' yas par mdzad/ byang chub sems dpa'i sdom pa'ang gdul bya so so'i zhe 'dod kyi dbu sems kyi cho ga gang yang rung ba dang / khyad par gsung ngag rin po che gnang ba'i dus dbang gi sngon 'gro'i sems bskyed kyi sgo nas byang chub sems dpa'i sdom pa gnang ba'ang bsam las 'das so/ /rig 'dzin sngags kyi sdom pa'ang rang rang gi skal ba dang 'tshams par rgyud sde bzhi'i dbang gis smin par mdzad pa las/ dkyil 'khor gang du rgyud sde dang brgyud pa gang gi lugs kyi dbang bskur mdzad kyang so so'i cho ga dang lugs rnams ma 'dres par rang rang gi lugs ltar ji skad bshad pa bzhin mdzad pas sngags sdom thob pa'ang gzhan dang mi 'dra bas shin tu don che'o/ /de ltar sdom pa gsum gyi sgo nas gdul bya rnams tshul khrims rnam par dag pa la bkod nas/ nyams len la sbyor ba'i tshe dpal ldan sa skya pa'i rje btsun mchog rnams kyi gsung rab gtso bor gyur pa'i chos kyi 'khor lo sna tshogs pa rgyun du bskor bar mdzad pa las/ gtso bor e waM chos ldan dang / ngam ring gi chos grwa chen po/ rje nyid kyi bstan pa'i rgyun dang / sems can gyi don la dgongs te zhal bkod mdzad nas btsugs pa'i dgon pa bde ba can dang / ya ma bde ldan la