[A:24]sogs pa rnams su bzhugs te/ gsung ngag rin po che lam 'bras bu dang bcas pa'i khrid yongs su rdzogs pa tshar so gnyis kyi bar du gnang zhing / de dag gi bar skabs su gzhan yang zab lam rim pa bzhi dang / rim lnga la sogs pa'i khrid rim sna tshogs dang / rgyud gsum/ bde mchog rtsa bshad kyi rgyud/ gsang ba 'dus pa la sogs rgyud sde'i bshad pa mtha' yas pa dang / de dag dang rjes su 'brel bar bskyed rdzogs kyi man ngag bshad pa dang / gzhan yang zur bka'i rigs sna tshogs pa dang / sgrub thabs brgya rtsa dang rgya mtsho la sogs pa'i rjes su gnang ba rab tu mang po dang / rgyud 'bum dang / sa skya bka' 'bum la sogs pa'i lung gi rnam grangs mtha' yas pa dang / gzhan yang rgyud sde bzhi dang 'brel ba'i rjes gnang / byin rlabs/ rig gtad/ klog pa sbyin pa/ bka' bsgo/ man ngag phra mo la sogs te gdul bya rang rang gi bsam pa dang / bag la nyal dang rjes su mthun par bstan te/ so so'i skal ba bzhin mkhas dang grub pa'i sa la bkod nas sems can dpag tu med pa'i don mdzad cing rgyal ba'i bstan pa rin po che ches cher gsal bar mdzad pa yin no/ /mdor na de lta bu'i gzhung dang man ngag gi bshad pa gang mdzad kyang ji ltar dka' zhing ma 'dres pa rnams la'ang sngar bltas la sogs pa cher mdzad mi dgos par ngag 'don len pas slob ma rnams kyis rtogs par sla ba dang / bstan bcos rtsom pa na sdeb sbyor mi mdzad pa phan pa gtso bor mdzad mod kyang / brjod bde zhing rtogs sla la rnar snyan pas mkhas pa rnams kyi yid 'phrog