[A:25]pa dang / gzhan gyis brtsad cing dris pa rnams la'ang spobs pa thogs pa med par lung rigs kyi sgo nas chos dang mthun pa'i lan 'debs shing / khyad par rdo rje theg pa'i bskyed rdzogs kyi gnad zab mo rnams bcos nas log par smra ba byung ba de dag sun dbyung ba'i phyir lung dang rigs pa'i sgo nas log smra tshar gcod pa 'di lta bu ni sngon gyi mkhas pa rnams kyi'ang yid kyi yul du 'byung bar dka' zhing / rig pa'i dbang phyug chen po rnams kyang yid 'dar bar mdzad pa yin no/ /de ltar rang don mkhyen pa dang thugs rje phul du byung zhing / gzhan don phrin las rmad du byung ba mdzad pa'i stobs kyis slob ma'i mchog ji ltar bskrun pa'ang rje btsun 'jam pa'i dbyangs chen po nam mkha' rgyal mtshan dpal bzang po dang / rje btsun chos kyi rje kun dga' dbang phyug blo gros rgyal mtshan dpal bzang po/ bdag chen blo gros dbang phyug legs pa'i 'byung gnas rgyal mtshan dpal bzang po/ bdag chen blo gros grags pa rgyal mtshan dpal bzang po la sogs pa skye rgu'i gtsug rgyan rnams dang / drung shar chen pa ye shes dbang phyug rgyal mtshan dpal bzang po la sogs pa che bar grags pa rnams kyis zhabs kyi padmo la btud cing cod pan du 'khur bar mdzad do/ /gzhan yang lung dang rtogs pa'i dbang phyug chos kyi rje kun dga' dbang phyug pa dang / mkhas grub chen po chos rje dpal ldan rdo rje pa dang / snyan brgyud gdams pa'i mdzod 'dzin pa rje rin po che sangs rgyas dpal ba dang / sgrub pa dang rtogs pa'i brgyud 'dzin mkhan chen dkon blo ba dang / mnga' ris pa nam mkha' dpal bzang la sogs